Reaksîyonî dewam kenê: Ma qanûn kuçeyan de nuşt 

2024-11-07 11:49:39


	 

	 

	ANQARA - Hêzê Kede û Demokrasî ra cinîyan reaksîyon vera tayînkerdişê qeyûman ê semedê şaredarîya Mêrdîn, Êlih û Xelfetî mojna û wina vat: “Ewro pêro çîyê ke ma wayîrê înan ê, ma kuçeyan de bi xoverdayîş bidest kerdo. Ma qanûn kuçeyan de nuşt, do tîya ra tepîya wina dewam bikero.”

	 

	‘Ma kuçeyan de bê’

	 

	Sereka Şubeyê Federasyonê 78ine ê Şorişgêrê Anqarayî Emel Uzman dîyar kerd, polîtîkaya qeyûmî tesîr pêro cuye ser o kerdo û vat: “Ma pêro hemverê qeyûman ê. Îradeyê şarî ameyo xespkerdiş. Ma do kuçeyan dd bê û wayîrê vengê şarî vejîyê. Xora mudaxale cuya ma de estbî. Ma uca de zî parçeyêk ci dî. Ma her cayî de hemverê qeyûman de yê.”

	 

	‘Ma cinîyan qanûn kuçeyan de nuşt’

	 

	Endama Têgêrayîşê Cinîyanê Sosyalîstan Nursel Guvendîr zî wina vat: “Semedê mojnayîşê reaksîyonî, welatîbîyayîş bes o. No sîyasetê qeyûmî semedê xespkerdişê îradeyî yo. Semedê nê pêro komel û şaran dawetê hemverê qeyûmî vejîyê, kena. Herêmê ke îrade ameyo xespkerdiş, sîstemê hemserekî est o. No hetêk ra hêrişê hemverê îradeyê şarî û cinîyan o. Ma cinîyan qanûn, kuçeyan de nuşt. Ganî ma cinî hemverê nê de bê. Ez venga pêro kesî kena ke hemverê qeyûman de kuçeyan de têkoşîn bikerê.” 

	 

	‘Bi xoverdayîş do bêro bidestkerdiş’

	 

	Belgîn Koç zî wina vat: “Şaredarîyê Dem Partî de sîstemê hemserekî est o. No hêrişêk hemverê sîstemê hemserekî yo. Badê qeyûman şima zanê ke hemverê destkewtişê cinîyan hêrişî pê ameyî. Komele ameyî padayîş. Sazgehî ameyî padayîş. No şermêk pîl o. Esneyurt de zî hêriş pê ame. Semedê nê ma ganî hemverê hêrişan de bê. Bi xoverdayîş ça do bi dest bikerê.”

	 

	‘Hukmat parçe parçe darbe keno’

	 

	Ezgî Duman zî wina vat: “Na babete, babeta ma pêrûne ya. Lazimîyê ma pêrûne bi azadî û demokrasî est o. Coka ez tîya ya. Şaredarîyêke cinî ke rayê tewr zêde girewta, qeyûm tayînê vera ci kenê. Goreyê mi na azadîya mi zî eleqedar kena. Coka ez tîya ya. Hukmat parçe bi parçe darbe keno. Ma mecbûr ê hemverê nê de têkoşîn bikerê. Ganî ma pêro bêrê têhet û têkoşîn bikerê.”

	 

	‘Ma do destûr nêdê nê bêhuqûqî’

	 

	Kordînasyonê Cinîyan ê Partiya Sosyalîst ra Doga Karakuş wina vat: “Ma nê bêhuqûqî ke hemverê kurdan de ameyo kerdiş, qebûl nêkenê. Verê zî ma no tablo vîna. Ma xo ver da. Ewro zî ma kuçeyan de semedê protestokerdişê nê tîya yê. Ma hemverê xespkerdişê îradeyê cinîyan, îradeyê şarê kurdî de têkoşîn dewam bikerê. Ma do destûr nêdê nê bêhuqûqî.”