
Avûkatanê Abdullah Ocalanî semedê pêvînayîşî muracat kerd

2024-11-07 14:31:46


	&nbsp;

	&nbsp;

	&nbsp;

	STENBOL - Avûkatê Buroyê Huqûqî yê Asrînî semedê pêvînayîşê muwekîlê xo Rayberê PKKyî Abdullah Ocalanî dir, muracatê Serdozgerîya Bûrsayî û Mudurîyê Zîndanê Îmraliyî kerd.

	&nbsp;

	Avûkatanê Buroyê Huqûqî yê Seserre ra Rêzan Sarica, Raziye Ozturk, Mazlum Dînç û Faîk Ozgur Erol seba pêvînayîşê bi Rayberê PKKyî Abdullah Ocalan ke Zîndanê Padayeyê Tîpê Fyî yê Asayîşê Berzî yê Îmraliyî de yeno tepiştiş, Serdozgerîya Komare ya Bursayî û Midûrîyê Zîndanê Îmralî muracat kerd.&nbsp;

	&nbsp;

	Heto bîn ra avûkatan, semedê pêvînayîşê Omer Hayrî Konar, Hamîlî Yildirim û Veysî Aktaş zî hem muracatê dozgerî û hem zî midûrîyê zîndanî kerd.&nbsp;

	&nbsp;

	Xeylê serdayîşê semedê pêvînayîşê Abdullah Ocalanî, Omer Hayrî Konar, Hamîlî Yildirim û Veysî Aktaşî nînê cewabkerdiş. Pêvînayîş, her 6 aşmî ra reyke hetê Dadgerîya Înfazî ya Bursayî ra bi sebebê “cezaya disiplînî” yenê astengkerdiş.&nbsp;

	&nbsp;

	Qedexeyê pêvînayîşî avûkatan dir temamê Rewşa Awarte (OHAL) ra temmuza 2016ine de dewam kerd û no çî heta sibatê 2018ine dewam kerd. Waştişê pêvînayîşî yê avûkatan dimayê nê tarîxî ra her 6 aşme ra reyke ame reynakerdiş û heta ewro dewam keno. Qerarê qedexeyê pêvînayîşî yê semedê 6 aşmî yê tewr peyîn zî 3yê gulana 2024ine de hetê Dadgerîya Înfazî ya Bursayî ra ame dayîş.

	&nbsp;

	Qerarê peyîn dir mîyanê 8 serran de tewr tay 13 rey semedê 6 aşmî cezaya pêvînayîşî avûkatan rê ame dayîş.

	&nbsp;

	&nbsp;

	&nbsp;

	&nbsp;