‘Ganî cinî vejîyê meydanan’ 

2024-11-15 14:08:16


	 

	 

	MERKEZÊ XEBERAN - Cepheyê Cinîyê Başûrî yê Kurdistanî derheqê di cinîyê ke Silêmanîye de ameyî kiştiş de eşkerayîyêke da û veng da; “Serrê peyîn de kiştişê cinîyan zêde bîyî, no zî netîceya bêvengîye yo. Ganî pêro cinî hemverê kiştişî de bikewê kuçeyan.”

	 

	Vizêrî taxa Bekrecu ya Silêmanîye de di cinî hetê birayê xo ra ameyî kiştiş. Cepheyê Cinîyê Başûrê Kurdistanî derheqê hedîse de eşkerayîyêke nuşteyî weşan kerdî.

	 

	Eşkerayîye de ame vatiş: “Seke ma vînenê serrê peyînan de kiştişê cinîyan, şîdet, desteştişê cinîyan ser o zêde bîyo. No zî netîceya kulturêk pederşahî yo, camêrdî xo cinîyan ra berzêr vînenê. Xo çarenûsê cinîyan de sey qerardar û wayîrê heqî vînenê.

	 

	Ewro 25ê Teşrîna Peyêne nêzdî beno, eke hende kiştiş, şîdet û hedîse qewîmîyenê, sebebê nê oyo ke cinî hemverê hedîseyan bêveng manenê û têkoşînêk hembeş nêkenê. Hemverê felaketê vizîrê, ewro cinî vengê xo berz bikerê û vejîyê kuçeyan û nêrazîbîyayîşêk şîdet bimojnê.”