Xeylêk bajaran de erzîya keyeyan ser

2024-11-26 10:29:46


	 

	 

	MERKEZÊ XEBERAN - Xeylêk bajaran de erzîya keyeyan ser. Sereştişan de sereka MKGyî Rosa Metîna û Hemşaredarê Peyasî Cengîz Dundar zî mîyan de xeylêk kesî destbend bîyî.

	 

	Polîsan ewro serê sibayî Amed, Stenbol, Mêrdîn û Şirnex zî mîyan de eşt xeylêk adresan ser.

	 

	Amed 

	 

	Polîsan eşt keyeyê Hemşaredarê Peyasî yê Amedî Cengîz Dundar, sereka Komeleya Rojnamegeranê Cinîyan ê Mezopotamyaye (MKG) Roza Metîna û rojnameger Ahmet Sunbul, rejîsor Ardîn Dîren, mamosteyê Sendîkayê Kedkarê Perwerde û Zanistî (Egîtîm Sen) ser o. Cigêrayîşê keyeyan dewam keno.

	 

	Mêrdîn 

	 

	Sereştişê keyeyê qezaya Artuklu ya Mêrdînî de Mehmet Şîmdî (40), Mehmet Şîmdî (22), Mehmet Nûr Şîmdî (22), Medîne Şîmdî (20) û Ronî Şîmdî (17) destbend kerd. Kesê ke ameyî destbendkerdiş, berdîyayî Mudûrîya Emniyetî yê Bajarî. Ame zanayîş ke nê kesê ke destbend bîyî, seba tewrbîyayîşê protestoyê hemverê qeyûmî ameyê destbendkerdiş. 

	 

	Şirnex 

	 

	Qezaya Cizîrî ya Şirnexî de zî erzîya xeylêk keyeyan ser û xeylêk kesî destbend bîyî.

	 

	Êlih de zî sereştişê keyeyî de rojnameger Mehmet Ucar destbend bî.

	 

	Stenbol 

	 

	Stenbol de saetê sibayî de eşt xeylêk adresan ser. Sereştiş de Erdogan Alayumat, Hamza Kagan, Bîlge Aksu, Ahmet Sûmbûl, Ardin Dîren û endamê Komeleya Heqê Merdiman Nîmet Tanrikûlû destbend bî. Sewbîna ame zanayîş ke sereştişê keyeyê rojnamegere Gulcan Derelî de zî aye keye de nêbîya.

	 

	Riha 

	 

	Riha de zî sereştiş de 2 welatijê bi nameyê Kubilay Yıldız û Ayfer Haykır destbend bî.

	 

	Dêrsim

	 

	Dêrsim de zî serê sibayî sereştiş de 4 kesî destbend bî. Ame zanayîş ke sereştiş de Enes Boran, Şiyar Ataş, Velî Akyol û Aynur Can yê ke temsîlkarê kargehê Sendîkayê Kedkaranê Weşîye û Xizmetî (SES) yê destbend bîyî.