
Semedê kesê ke şerî ra koçber bîyî destek 

2024-12-14 15:29:54


	&nbsp;

	&nbsp;

	Mîdye Miqted

	&nbsp;

	HELEB - Taxê Şêxmeqsûd û Eşrefîye yê bajarê Helebî bi serkêşîya Weqfê Cinîyanê Azadan ê Sûriya hetkarî ame vilakerdiş.

	&nbsp;

	Weqfê Cinîyan Azadan ê Sûrîya bi serkêşîya Kongra Star, Rêxistina Sara, Rêxistina Nûdem ê Astengan eynî wextî de Rêxistina Stêrkî ya Tutan hetkarî welatijê ke kantonê Şehbayî ra derbazê taxê Şêxmeqsûd û Eşrefiye yê Helebî bîyî vila kerdî. Hetkarîya ke bi taybetî semedê lazimîyê tutan ame vilakerdiş, şit û cilan pê yeno.

	&nbsp;

	Mecbûrî derbazê taxe bîyî

	&nbsp;

	Endama Rêxistina Nûdemî ya astengdaran Meryem Şêx Qember derheqê înîsîyatîfî de qisey kerd û vat: "Badê ke hêrîş koçberanê Efrînî yê ke Şehba de manenê ame ser, welatîjî semedê xo pawitişê şerî ra mecbûr mendî derbazê taxê Şêxmeqsûd û Eşrefîye bibê. Pêwa ke xeylêk nînan ra roniştoxî verê xo dayî Rojhelatê Firatî, hîn keyeyî zî derbazê taxê Şêxmeqsûd û Eşrefîye bîyî."

	&nbsp;

	Semedê tutan hetkarî

	&nbsp;

	Meryeme wina vat: "Ma sey têgêrayîş û rêxistinê cinî semedê ke ma bi şarê xo yê derbazê taxê Şêxmeqsûd û Eşrefîye bîyî, ma dest bi vilakerdişê hetkarîya semedê tutan kerd. Hetkarîya cil û belg û şitê tutan pêk yeno."

	&nbsp;

	'Ma pîya benê hetkar'

	&nbsp;

	Meryeme wina qedêna: "Na gama ma ya destpêk a û do hetkarîya ma timî dewam bikero. Çi destê ma ra bêro ma do semedê nê mexdûran bikerê. Xora Meclîsê Pêroyî yê her di taxê Şêxmeqsûd û Eşrefîye înan rê keye peyda kerd û qomîteyê weşîye yê Kongra Starî zî çi înan rê waştî benê hetkar."

	&nbsp;

	&nbsp;

	&nbsp;