‘Pawitişê Rojawanî wezîfe yo’

2024-12-17 11:04:58


	 

	Elfazî Toral

	 

	STENBOL - Mûrûvet Kuçuka ke Alinterî ra ya, hêrişê hemverê Vakur û Rojhelatê Sûrîye ercna û vat: “Lazim o ruhê serra 2014ine şert û mercê ewro de newe ra bêro birêxistinkerdiş û gane verdo. Wazenê her çîyo ke merdimayî eşkeno sey hêvî pêwa girê bido, çin bikerê. Rojawan yew nê beşê tewr muhîm o û ganî bêro pawitiş." 

	 

	Hêrişê Tirkîya yê Vakur û Rojhelatê Sûrîye ser o 27ê teşrîna peyêne ra dewam kenê, hêrişê Tirkîya yê hemverê Rojawanî hema zî rojeve de yê. Tirkîya bi amancê Şorişa Rojava ke semedê şarê Rojhelatê Mîyanên xeta modelî yo, hêrişanê xo dewam kena.  Wexto ke komê Tehrîr El-Şam (HTŞ) hêrişê hemverê Sûrîye yê rojê vîyarte de rejîmê Esadî rijina, hema zî hêrişê Minbicî û xeylêk dewan ser o dewam keno.

	 

	Mûrûvet Kuçuk derheqê ruhê ke serra 2014ine de Kobanê de vejîya werte û demê bêro de do bibo xerîteya rayîrê têkoşînî, ajansê ma JINNEWSî rê ercna.

	 

	'Xoverdayîşê Kobanê açarya deryayêk bi heybet'

	 

	Mûrûvet Kuçuk dîyar kerd ke xoverdayîş xeylêk tesîr bîyo û vat: "O wext planê DAIŞî dest pêkerdî, bi çekanê giranan bi xeylêk pereyan ameyî Kobanê, bi hezaran êzidî qetil kerdî û zirarêk pîl dayî kurdan ro. Çim û goşê şarê dinya o wext Rojawan de bî. Semedo ke DAIŞ hem netîceya awankerdişê înan bî û hem zî hêzêk tehlukeyîn bî. Şerê Kobanê açarya çîyêk bi heybet û xoverdayîş zî açarya deryayêk bi heybet. Ê atmosferî de xeylêk cayê dinya, paştdayîş dayî xoverdayîşê Kobanê."

	 

	'Şarî dir bîyî yew' 

	 

	Mûrûvet Kuçuk bale ant vatişê Erdoganî yê "Kobanê kewt û do bikewo" ser û vat: “Ma xeylêk hêzê şorişgiran dir tewrê nobeta Pirsûsî bîyî. Ma kampanyayê cîya kerdî. Nê serdemî de, her kes wayîrê projeyêk o. Mîyan de Îsraîl, Îngilîstan û DYE, Îran, asayîşê Îsraîlî ke birnayîşê cayê amanc de bî. Çeteyê cîhadîst yê ke 13 rojan de amade kerdibî yan zî sey artêşa Tirkîya pênase kerdibî, 13 rojan de kewtî zere. Nê wareyî de zaf zehmet o ke merdim texmîn bikero ka se beno wa bibo, o îradeyo ke do çiqasî ver bi vernî şêro, têgêreno û semedo ke no serdemêk zaf awarte yo, çeteyê cîhadîstî înîsîyatîfek bi dest kerdî ke tesîrêk herême de bikerê." 

	 

	 'Xoverdayîşê Kobanê paştîya DAIŞî şikina'

	 

	Mûrûvet Kuçuk vat: “Hêzê cîhadîst, Tirkîya de înîsîyatîfêk bi dest kerdê û bi hawayêk ke tesîr temamê herême ser o bikerê. DYA, Îsraîl û Îngilîstan û li herêmê bînî, nê bi sereyê xo yê û hêzê kanperestî yê Tirkîya zî mîyan de yê. Amanc ablûqakerdişê rastîyê Rojawanî yo ke her kes goreyê amancê xo hewl dano çîyêk awan bikero, la Tirkîya hewl dana herre bi dest bikera. Kobanî zî semedê înan îfadeyêk xeylêk taybetî yê nefretî yo. Semedo ke xoverdayîşê Kobanê yeno manaya şikinayîşê paştîya DAIŞî. Manaya ci bî ke têgêrayîşê azadîwaz ê kurdan, çimê dinya de semedê kurdan cayêk pîl girewt. Na mana de hedefgirewtişê Kobanê û nê hêrişkarê bêhiş ke sere dayê uca, bi manaya manewî yê Kobanê rê girêdaye yê."

	 

	'Pawitişê Rojawanî wezîfe yo’

	 

	Mûrûvet Kuçuk, dîyar kerd ke şarê Rojawanî wayîrê perspektîfekê demokratîke yo û vat: “Tirkîya de herêmêke kurdî yê bi statûyêk zaf bisînor wazenê, bi hawayêk ke bieşkê nê zêdeyêr kontrol bikerê û hemkarî kûr bibê, la no sînoro krîtîkî yê hemverê kurdan de, nê beşî ke xeylêk aktor pîya girêdayeyê, ci de xeylêk hesabî est ê û xeylêk kayî pîya girêdaye yê. Rojawan beşêk muhîm o. Hemverê nê hêrişê ke serê çinkerdişê her çîyê kanperestî û demokratîk de yenê kerdiş, ganî na hêvîye bêro pawitiş. Ez a bawerîye de ya ke do hişmendîyê sîyasî ke nê serran de hetê kesê bi resnayîşê sîyasî yê carengî ra ameyê awankerdiş do hişmendîyê bingehê rêxistinbîyayîşî ser o, yan zî welatperwerî bêro aktîfkerdiş. Lazim o cebheyê tirkan, cinî, kedkar û karkeran dir nê çî bikerê yew û înan rê bidê hîskerdiş ke no çî bi asanî nîno kerdiş. Semedo ke ê bi rastî ci ra tersenê."