Îran de qanûnê ‘hîcab û îfetî’ ame şermezarkerdiş

2024-12-17 14:26:06


	 

	 

	MERKEZÊ XEBERAN - Îran de 100 komelnas û profesorê unîversîta bi eşkerayîyêke neql kerdî ke qanûnê ‘hîcab û îfetî’ protesto kenê, dîyar kerdî ke no qanûn binpaykerdişê heqê sivîlan o û waştî lezkî bêro xirakerdiş.

	 

	Îran de 100 komelnas û profesorê unîversîta, qanûnê ‘hîcab û îfetî’ protesto kerdî û derheqê netîceya qanûnî de îqaz kerdî. Eşkerayîya ke îmzayê komelnas û profesorê unîversîteyan estbî û ame dîyarkerdiş ke qanûn teşwîqê şîdet, bêeasayîşê komelî kenê û sere de cinî, heqê merdiman ê medenî û komelî bi hawayêk cidî yenê binpaykerdiş.

	 

	‘Ganî qerar lezkî bêro xirakerdiş’

	 

	Dewamê eşkerayîye de wina ame vatiş: “Qanûnê ‘hîcab û îfetî’ komelî krîmînalîze keno, hemverê welatijan de fermanê şîdetî dano, temsîlkarîya mudaxeleyê dewlete yê cuye û heqê welatijan keno. Qanûno ke babeta vatişî yo, teşwîqê kînî keno. Ma wazenê ganî qerar bêro xirakerdiş û komelo ke na herre ser o ciwîyeno, bi xususî cîyakerdişê cinîyan ser o peynî bibo.

	 

	Badê şorişê ‘Jin, Jiyan, Azadî’ tedayê hemverê cinîyan zêde bîyî, badê serewedaritişê şorişî de qanûn demêk nêzdî de ame tesdîqkerdiş. Qanûn, mîyanê Îran û teberî de raştê xeylêk reaksîyonan ame û xeylêk aktîvîstê wareyê cîya de qanûn şermezar kerd. Hemverê tesdîqkerdişê qanûnî û caardişê ci protesto vila bî, 14ê Kanûne de 2 parlamenteran, neql kerd ke nika caardişê qanûnî ameyo taloqkerdiş.”