Jîyan Ateş ke înfazê aye 8 rey taloq kerdî serbest ameye veradayîş

2024-12-17 14:50:26


	 

	ANAQARA - Jiyan Ateşa ke Zîndanê Cinîyan ê Sîncanî de 8 rey hetê Heyetê Îdare û Çimdarî ra ame taloqkerdiş, serbest ameye veradayîş. 

	 

	Jiyan Ateş serra 2012ine de amebî tepiştiş, badê 13 serran Zîndanê Cinîyan ê Sîncanî ra ameye veradayîş. Jiyan Ateşa ke 8 rey hetê Heyetê Îdare û Çimdarî ra serbestveradayîşê aye ame taloqkerdiş, hetê keye, DEM Partî û avûkatan ra ameye pêşwazîkerdiş. 

	 

	Jiyan Ateş ard ziwan ke her çiqas serra 2021ine de cezaya aye qedîya zî hetê heyetî ra 3 serrî û nîm cezaya aye ameya dergkerdiş û vat, “Na polîtîka bi taybetî Zîndanê Sîncanî de yena kerdiş. Ma mîyanê kesê vernî de bî ke nê çî de ameyî tepiştiş. Semedo ke sey herêma pîlot ame weçînayîş, xora her cayî de hêriş cinîyan rê yeno kerdiş. Ma nînan sey polîtîkaya taybetî ercnenê û nika zîndanan de hemverê cinîyan yeno kerdiş. Zîndanê Cinîyan ê Sîncanî wareyê zîndananê cinîyan de hema vajê yewine yo, goreyê mi ganî bale bêro antiş.”