TJA: Ma ziwanê nefretî yê hemverê Birêz Ocalanî qebûl nêkenê

2025-01-08 14:32:07


	 

	 

	 

	AMED - TJAyî nêzdîbîyayîşê hîn sazgehê çapemenîye yê hemverê Rayberê PKKyî Abdullah Ocalanî de ercnayî û dîyar kerdî ke hemverê ziwanê nefretî ganî qiseykerdişê aştî, azadî û têduştî bêro xurtkerdiş.

	 

	Têgêrayîşê Cinîyanê Azadan (TJA) dîyar kerdî ke badê pêvînayîşê Rayberê PKKyî Abdullah Ocalanî dir 28ê kanûna 2024ine de hetê şar û çapemenîye de munaqeşeyî ameyî kerdiş, la hîn sazgehê çapemenîye ke vatişê ke rastî pê nêkenê, cîdîyet ra dûrî yê qal kenê, reaksîyon mojnayî û vatî ke no helwest goreyê giranîyê mesela nîyo û sewîyeya exlaqî-etîk ke meslegê rojnamegerîye de ameyîne hêvîkerdiş nîyo.

	 

	Eşkerayîya ke derheqê babete de ameye dayîş de ame vatiş; hewldayîşê çareserîya meseleya kurdî de bi rayîrê aştîyane ke mohrê xo tarîxê sîyasî yê sed serre yo Tirkîya ser o verda yo û şarî semedê nê berdêlê giran dayê, ewro zî sey her rey hedefê hêrişan de yo û vatî, "No helwestê şerî ra feyde gênê. Labelê Birêz Abdullah Ocalan çareserîya aştîyane ya meselaya kurdî de ewro zî pozîsyonê xo paweno. Pêwa ke 26 serrî yo Îmrali de binê tecrîdêk giran û îşkence de yo, semedê têduştî, azadî û aştîya şaran pê bîyaro, xeylêk hewl dano. Birêz Abdullah Ocalan semedê şarê kurdî, sembolê cuya aştiyane yo û şarê kurdî azadîya xo azadîya Birêz Ocalanî de vîneno. Semedê nê sebebî misogerkerdişê weşîye, asayîş, şert û mercê azadîya Birêz Ocalanî û têkilîyê şarê Tirkîya û Kurdistanî dir bi taybetî semedê şarê kurdî bîyo waştişê bingeyîn ê aştîyêke mende."