Pervîn Buldan nêrgisê ke Îmraliyî ra ardibî dîyarîya ajansê ma kerd 

2025-03-04 14:08:42


	 

	 

	MERKEZÊ XEBERAN - Pervîn Buldan ke qalê pêvînayîşê xo yê Rayberê Şarê Kurdî Abdullah Ocalan dir kerd, 4 qevdê ke Girawa Îmraliyî ra ardibî, diyarîya ajansê ma kerd.

	 

	Parlamentera Partîya Têduştî û Demokrasî (DEM Partî) Pervîn Buldan Heyetê Îmraliyî de ca gêna, ajansê ma rê qisey kerd û dîyar kerd ke derheqê 8ê Adare mesajê Rayberê Şarê Kurdî Abdullah Ocalanî girewtê. Pervîn Buldan pêvînayîşê xo ser o wina vat: "Peynîya pêro pêvînayîşan de giranî dano meseleya cinîyan ser. Mesajê ke nê kombîyayîşê peyîn de derheqê cinîyan de da, sey mesajê 8ê Adare ard ziwan. Ma amadekarîyê nê kenê û no mesaj semedê cinîyan do 8ê Adare de her meydanî de bêro wendiş. Birêz Ocalanî persa 'Merdim senîn eşkeno cinîya ke ci ra hes bikero û bikişo? Ez nêeşkena fam bikerî". Da zanayîş ke semedê vernîya kiştişê cinî û tutan bêro padayîş, lazim o hemverê nê zîhnîyetî de têkoşîn bêro dayîş. Birêz Ocalanî dîyar kerd ke ganî ma mesajê 8ê Adare ke do semedê cinîyan bibo qonax û ronesans do cinîyan dir meydanan de pare bikerê.”

	 

	Pervîn Buldan badê pêvînayîşî 4 nêrgîzê ke Girawa Îmraliyî ra arê dabî, dîyarîya ajansê ma kerd.