Franzîska Stîer: Teorîya aştîye bêvengkerdişê çekan ra hîna zêde ya  

2025-03-06 11:43:01


	 

	 

	Melek Avci

	 

	ANQARA - Sekretera Pêroyî ya BASTA Franzîska Stîer vat; teorîya aştîye ya Abdullah Ocalanî, bêvengkerdişê çekan ra hîna zêdeyêr a û dîyar kerd ke semedê demokratîkbîyayîşê Tirkîya, bi amancê akerdişê projeyêk, ganî pêro hetê demokratîkan ra bêro munaqeşekerdiş.

	 

	Vengdayîşê Aştî û Komelêk Demokratik, ê Rayberê Şarê Kurdî Abdullah Ocalanî ke 27ê Sibate de deklere kerd, rojevbîyayîşê xo paweno. Vengdayîşo ke semedê aştîye ame kerdiş, sey; "îfadeyê îradeyêk pîl" yeno ercnayîş. Pêwa nê şarê kurdî tecrîdê Abdullah Ocalanî ser o ke hema zî dewam keno, qebûl nêkeno.

	 

	Sekretera Pêroyî ya BASTA ya Swîsreyî (Basels Starke Alternative) Franzîska Stîer derheqê vengdayîşî de qisey kerd.

	 

	Franzîska Stîer vat, badê vengdayîşî xeylêk hevalê aye aye geyrayê û vat: “Semedo ke ma Abdullah Ocalanî vîna ma zaf keyfweş bî. Demêk derg bî agahî ci ra nêameyîne girewtiş. Coka ma keyfweş bî. La çapemenîya Ewropa vengdayîş tena hetêk ra vîna û vat, Abdullah Ocalan vengdayîşê feshkerdiş û ronayîşê çekan kerdo. No bi rastî qels û şaş ame wendiş. Dinya û Ewropa de şerî çiqas şinê giran benê. Sewbîna PKK her tim hetê peynîkerdişê mergan bi. Nê semedî ra hedefê PKK’yî çareserî yo. Lazimî bi şert û mercê demokratîkbîyayîşî est o. Birêz Ocalan reya ewil nîyo, bi desine rey destê aştîye derg kerdo.”

	 

	‘Teorîya aştîye bêvengkerdişê çekan ra hîna zêde ya’

	 

	Franzîska Stîer vat, Abdullah Ocalan teorîyêk aştîye ya pozîtîf esas gêno û vat: “No yeno manaya prosesêk. Birêz Ocalanî de namekerdişê pozîtîf yê aştî est o û bêvengkerdişê çekan wetayêr o. Belê, bi çekan şima eşkenê şer de ser bikewê, la şima nêeşkenê bi çekan aştîye awan bikerê. No zî tena prosesêk sîyasî de beno. No parçeyêk pozîtîf o û ma nika zî nê prosesî ra dûrî yê. Hîn vurnayîşê demokratîkî vernî de yê. Ma eşkenê nimûneyû sey; efûyê tepişteyê sîyasî, vindarnayîşê zext û şîdetê hemverê muxalefetî, yan zî bicaardişê rêgezê huqûqê mîyanneteweyî û vurnayîşê înan semedê pratîkêk demokratîk, Tirkîya de rêze bikerê. Lazimî xeylê çî muxalefetê demokratîke de bêrê munaqeşekerdiş û  masaya muzakereyî ser o bêro dayîş.”

	 

	‘Ganî vengdayîş pêro hetê demokratîkî ra bêrê munaqeşekerdiş’

	 

	Franzîska Stîer wina qedêna: “Şarê kurdî semedê prosesê aştî xeylêk rey destê xo derg kerdo. Ganî no vengdayîşê Abdullah Ocalanî pêro pêameyê demokratîkî de bêrê munaqeşekerdiş û semedê newe ra demokratîkbîyayîşê Tirkîya rê waştişî bêrê awankerdiş, şert û mercî bêrê amadekerdiş. Bi bawerîya mi komelêk medenî yê zaf bi hêz est o ke pîya bireso nê mercan, û bawerîya min a pîlî bi komelî sivîlî est a. Bi taybetî zî no çî hêzdar keno ke semedê prosesê aştîye û badê pêro zextê sîyasî, esîr, pêro merdimê nê şerî de dinyaya xo bedelnayê, ame eştiş. No semedê aştîye eşkerayîyêke zaf bi hêz a.”