Mesajê Rayberê Şarê Kurdî: Vengdayîş semedê cinîyan Ronesans o 

2025-03-08 14:13:43


	 

	AMED - Abdullah Ocalan bi wesîleya 8ê Adarê Roja Cinîyanê Dinya mesajêk şirawit û vat, "Vengdayîşê Aştî û Komelê Demokratîkî semedê cinîyan zî Ronesans o."

	 

	Rayberê Şarê Kurdî Abdullah Ocalan çarçewaya 8ê Adare Roja Cinîyanê Dinya de Heyetê Îmraliyî dir mesajêk cinîyan rê şirawit.

	 

	Mesajê Abdullah Ocalanî wina yo:

	 

	“Kaîdeyê mi yê bingeyî, bi şima rê cuyayêka efsûnî ya!

	 

	Ez ferqê nê çî de ke, herra xobîyayîşî ser o şima raştîya merdimeyî bi her awayî cuyenê. Şima cinîyê ke wayîrê ercê efsûnî yê, mi tu wext fek cuya şima reyde veranêda. Na cuya bi na rewşe, bî ristaya bingeyî ke mi ser payan verda. La, raştîya ke raya yewin wina bi heybet û azade, do bi qasî yewinê bîn ê Mezopotamyaye bi heybet bo. Belkî zî na yewe pê ameya. Meseleya azadîya cinî hema zî avzelîya xo pawena. Prosesê komunalîst ê demokratîke rewşa newekerdişî ya komelbîyayîşê cinîya rayber a. Bidestvistişê raştîya komelî zî encax bi no metodî mumkun o. Heya ke kulturê tecawizî/destdergîya cinsî çin nêbo, warê zanistî, estetîk û dînî de heqîqetê komelî zî nêvejîyeno werte. Sey ke Marksîzmî zî ame îspatkerdene, heya ke kulturê serdest ê mêrde xorînîya komelî serdemo newe de nîno fetisnayîş, serkewtişê sosyalîzmî mumkun nîyo. Rayîrê sosyalîzmî azadîya cinîye ra derbas beno. Heya ke azadîya cinî pê nêra şima nêeşkenê bibê sosyalîst. Sosyalîzm pê nîno. Heya ke demokrasî nêbo sosyalîzm zî nêbeno. Azmûnê mi yê yewine yê sosyalîzmî die, bi metodê qirkerdişê bi cinîyêke ra dîyar bî.

	 

	Kesêkî ke nêzano bi cinîyêke ra senî qise bikero, nêeşkeno bibo sosyalîst. Sosyalîstbîyayîşê mêrdeyêkî bi têkilîya ci ya bi cinîyêke ra girêdayî yo. Pîrozîya cinî ya. Cinî bi xo kaînat a, mêrde zî astereyêko rayîr ra vejîyayî yo dormeya nê kaînatî yo. Seba raya yewine veng domanêkî ra bikero ya ke ziwan awan kerd cinî ya. Awankerdoxa kulturê cinî ya. Awankerdoxa komelî zî cinî ya. Pîrozî û îlahî zî cinî ya. Seba cinîyan mi vîrdozîya azadîya cinîyan ke bi çar waran pê yena, aver berd. Na teorî ya, kulturê cinîya serkêşe, serdemê îlahîyan mabenê verê bîyayîşî 10 hezar serrî û 4 hezar serran de ya. Dînê yew Homayî bi Babîlî dest pêkenê, Destanê Babîlî destanê kolekerdişî cinî yo. Awankerdişê destanê Babîlî yew hîmê bingeyî ya mîtolojîya Mezopotamyaye yo. Mabenê serrê verê bîyayîşê 4 hezar û 2 hezar serran de seba kulturê cinîye çinbîyayîş dest pêkerd. Peynî ke kulturê cinî yê serkêşî rijya, bi mîtanijan cinîya qesrî vejîya werte. Nefertîtî zî cinîyêka qesrî ya. Cinîyê qesrî yê nê serdemî prosesê tarîxî de bîyê cinîyê keyeyê nê serdemî.

	 

	Sey ke şima zî zanenê, kultur û adetê Satî est o. Kulturê Satîyan de cinî eştinê mîyanê adir û veşnayne. Serrê 1832î de zî nê pê ameyîne. Peynî de, Îngîlîzan peynîya nê kulturî ard. Vejîya ke do newe ra pê bêro zaf avzel o. Wa cinî nê wareyê bîyolojîkî de, wa wareyê kultur, komelî, tarîxî de bibo ercêk. Sey ke Simone De Beauvoir zî vana; cinî nê zayînî ya, estbîyayîşî ya. Ez verba eşq û zewajî nîya. La her roje nameyê eşqî ser o cînayetê zaf hovî pê yenê. Kesêko aşiq senî eşqê xo kişeno? No eşq nîyo. Hetanî nika zaf cinî seba têkilîyê bi nê rengî întîxar kerdê. Eynî wextî de, kulturê azade yê cinî est o. Sewîyeya ke ameyo şima nêzdî nê kulturî yê, cinî hewl danê bivejê teberê sînorê dayîkbîyayîşî û têduştî. La hema zî şima seyî ra 10î kulturê azade yê cinî îdare kenê, çîyo esas no yo ke, wa bi ferasetê şerî bêro kerdene. Sîstemê komelî yê mêrdeyê serdest her tim seba cinîyan probleman awan kerdo. Şîdet est o, îşxalkerdiş est o, ensestî est o, destdergîya zayendî est a, îxtîmalê kiştişê domanê kêna est o.

	 

	Ameyox de domanî bêrê kiştiş şima çi bikerê? Demê ez behsê kulturê Satî kena, ez bale ancena ser na raştîye. Şima nê kultur û ferasetî dir şer bikê, nê wareyî de kêmasî û nakokîyê şima est ê, xo nê kêmasî û nakokîyan ra xeles bikê. Problemê cinîye problemê kurdî ra hîna xorîn o. Problemêk bi nê rengî est o. No wareyî de ma destpêkêk şenik pêard. Kulturê şer û pêkewtişê tewro zaf verba cinîyan de aver şono. Çinkerdişê nê kulturî dînamoyê têkoşînî ma yo. Ruhê nê serdemê sîyasetê demokratîke yo, ziwanê nê serdemî zî ziwanê aştî yo. Vengdayîşê “Aştî û Komelo Azad” eynî demî de seba cinîyan Ronesans o. Ez cinîyê ke goş danê vengdayîşê mi, bawerî bi cuya hempar anê bi eşqê Mem û Zîn, bi eşqê Derwêşê Evdî yê newekerdişî, silam kena û 8ê Adare Roja Cinîyanê Kedkaran ê Dinya zî pîroz kena.

	 

	Bi silam û heskerdişê xo.”