Tepişteyî cuya komelî ra yenê îzolekerdiş

2025-04-18 09:21:45


	 

	 

	AMED - Avûkate Hulya Yildirim derheqê binpaykerdişê heqan yê zîndanan de qisey kerd û da zanayîş ke pêwa binpaykerdişê ke yenê tespîtkerdiş zî tu sererastkerdişî nînê kerdiş û va, rejîmê înfazî yeno sîstematîkkerdiş.

	 

	Binpaykerdişê heqan yê zîndanan her ke şinê giran benê û tesîrêk pîl şert û mercê cuye ser o kenê. Avûkate Hulya Yildirim derheqê babete de qisey kerd û da zanayîş ke heqo tewr sereyîn zî yeno astengkerdiş û zîndanan de no caardiş sîstematîk yeno kerdiş. 

	 

	Hulya Yildirim derheqê polîtîkayê pê yenê de qisey kerd.

	 

	Qerarê bêdemokratîkî yê ÎGK’î

	 

	Hulya Yildirim dîyar kerd ke bi qerarê heyetê taqîbkerdişî xeylêk tepişteyî binpaykerdişan dir yenê rî bi rî. Hulya Yildirim wina dewam kerd: “Xeylê xo zîndanê cinîyan ê Sîncanî de pê yenê. Heta nika tu tepişteyêk bi qerarê tahliyeyê bi şert nêameyo tahliyekerdiş. Yew babeta bîne zî binpaykerdişê heqê weşîye yo. Problemo ke tewr zêde yeno ciwîyayîş no yo. Derheqê girewtişê agahîyan de zî binpaykerdişî babeta vatişî yê. Derheqê binpaykerdişê heqê tahliyekerdişî û weşîye de raporê ma est ê. No bi Anqara sînor nîyo. Her cayî de est o. Nê semedî ra raporê ke ma weşan kerdê ma çarçewaya pêroyî de gênê dest.”

	 

	Tesîrê zîndanan ê bedenê tepişteyan ser

	 

	Hulya Yildirim dîyar kerd ke şert û mercê zîndanan zehmet ê û zîndanê neweyam de sîstemê tecrîdî est o. Hulya Yildirim wina va: “Tena tepişteyî nê keyeyî zî muracat kenê. Zîndanan de rewşa baş a rih û bedenê tepişteyan werte ra wedaryayo. Zîndanê YGC û S nê zaf yenê vînayîş. Nê zîndanan de heqê weşîye yê tepişteyan çin o. Îzolasyonêk cidî babeta vatişî ya. Odeyêk yew kesî de manenê û hewadank bi sînor o, xebatê komelî û sportîf çin ê. Ma vanê ke ganî nê zîndanî bêrê padayîş. Derheqê binpaykerdişan de muracatê wezaretan yeno kerdiş. Ma nê muracatan kerdê rapor. Ganî lezkî polîtîkaya derheqê zîndanan de bêrê vurnayîş.”