
Sendîkayan de sîstemê hemserekî  

2025-04-21 10:08:06


	&nbsp;

	Derya Ren

	&nbsp;

	RIHA - Sekretera Cinîyan ê KESK’î Done Gevher derheqê muhîmîyê sîstemê hemserekî yê sendîkayan de qisey kerd û va: “Hemserekî bixo mudaxaleyêk hemverê tekelbîyayîş û îqtîdarî ya. Hetê demokratîkbîyayîşî de hetê têkiliyê têduştî û azadîya cinî de muhîm a. Hemserekî sey modelêk do cuya xebate demokratîk bikero.”

	&nbsp;

	Sîstemê hemserekî yê sendîkayê sey Konfederaysonê Sendîkayê Kedkarê Îstîmlakî (KESK) de caardişê têduştî, temsîlkarîya cinî û camêrdan pê yeno û têkoşînê sendîkal ê xebatê xoserî yê cinî zî xurt keno. Sekretera Cinîyan ê KESK’î Done Gevher derheqê temsîlkarîya cinî û sîstemê hemserekî yê sendîkayan de JINNEWS’î rê qisey kerd.

	

	&nbsp;

	Rewşa cinîyan ê sendîka de

	&nbsp;

	Done Gevher dîyar kerd ke awanbîyayîşê sendîkayan heta nika sey wareyê camêrdan ameyo vînayîş û va: “Nê wareyî de camêrdî serdest bî û camêrdan qerar girewtêne. Pêro qeraran de camêrdî estbî. Badê pêlê diyîn ê têgêrayîşê femînîstî, cinî tewr zêde ameyî vînayîş. Sîstemê hemserekî rojeva sendîkayan de nîyo la awanbîyayîşê KESK’î û sewîyeyê ke ameyo, hemserekî kewt rojeva înan. Ma bi baskê karî yê KESK’î nika SES’î de hemserekî vînenê.”

	&nbsp;

	Hemserekî KESK û SES’î de est a

	&nbsp;

	Done Gevher bale ant serdsetîyê camêrdî ke sendîkayan de vejêno werte û va: “KESK de xeta têkoşînê aştî û demokrasî zî est o. Semedê têkoşînê cinî û ekolojî bi pêroyî yeno vînayîş ke polîtîkayê cinîyan hetê meclîsî cinîyan ra yeno dîyarkerdiş. Hemserekî de meclîsê cinîyan wayîr benê û baskê KESK û SES’î est ê. Baskê bînî yê ma de sîstemê hemserekî çin o. Nê semedî ta lazimî bi prosesê îqnakerdişî est o.”

	&nbsp;

	Ma nêtêduştî dir yenê rî bi rî

	&nbsp;

	Done Gevher wina va: “Prosesê awanbîyayîşê meclîsan de no ame hedefkerdiş. Problemê cinî û camêrdî ciwîyenê, têduşt nîyê. Ma cinî bêtêduştî dir yenê rî bi rî. Baskê cinîyan ê Memûr-Senî est o. La wexto ke ma ewnîyenê, xebatê baskê cinîyan zaf adetî manenê. Konfederasyonê karkeran de DÎSK’î de cayê cinîyan cîya yo. Heyetê temsîlkarîya cinîyan ê DÎSK’î est o. DÎSK, pêro xebatan de sernameyê cinîyan cîya gêno.”

	&nbsp;

	&nbsp;

	

	&nbsp;