Kolektîfê Medyakaranê Kurdistanî ra mesajê 22ê Nîsane

2025-04-22 14:53:31


	 

	 

	MERKEZÊ XEBERAN - Kolektîfê Medyakaranê Kurdistanî yê Ewropayî ke hewteyê vîyarte de Belçîka de ame awankerdiş, 22ê Nîsane Roja Rojnamegeranê Kurdan bi mesajêk pîroz kerd.

	 

	Kedkarê çapemenîye yê Ewropa ke bi vengdayîşê zêdeyê 70 medyakaran, kombîyayîşê di rojan de qerarê awankerdişê kolektîfî girewtî, eşkerayîya xo ya destpêkî yê derheqê 22ê Nîsane kerd.

	 

	Eşkerayîya kolektîfî de ame vatiş, "Serrgêra rojnamegerîya kurdan de pîrozkerdişê na roje dir bi qerar û serberz ê ke kîşte ê rojnamegeran de vinderê ke vengê bindestan danê eşnawitiş, heqîqet bi berdêlê canê xo nusenê, qelema xo bi cesaret û bi rengêk raşt şuxilnenê.

	 

	Bi desan rojnamegerê kurdî semedê nuştiş, fikir û xeberanê xo girewtê, tehluke cuya înan ser o est a. Semedo ke edalet bica bîyarê û peynîya bêcezaverdayîşî bîyarê, ma do hetê rêxistinî û qanûnî ra bikewê mîyanê hewldayîşî. Ma wazenê qanûnê ke azadîya çapemenîye pawenê, ca bîyarê û kiştoxê rojnamegeran bêrê cezakerdiş. Qanûnê mîyanneteweyî yê ke azadîya fikrî û rewşêke asayîş semedê rojnamegeran awan kena, ganî bêkêmasî bica bîyarê.”