Îran ê Rojhelatê Kurdistanî de 96 kesî ameyî dardekerdiş! 

2025-05-13 15:06:01


	 

	 

	MERKEZÊ XEBERAN - Kampanyaya “Sêşemê Cezaya Dardekerdişî re Nê” ke hetê tepişteyanş Îranî ra ame neqlkerdiş, dîyar kerd ke sereyê aşma gulane ra heta nika 96 tepişteyî bajarê Îran û Rojhelatê Kurdistanî de ameyê dardekerdiş.

	 

	Kampanyaya “Sêşemê Cezaya Dardekerdişî rê Nê” ke hetê tepişteyanê sîyasî yê ke 38 zîndanê Rojhelatê Kurdistanî û Îran de ameyo destpêkerdiş, hewteyê 68ine de dewam keno. Kampanyaye derheqê dardekerdişî de eşkerayîyêke newe vila kerd.

	 

	Eşkerayîye de ame vatiş ke dardekerdiş û dayîşê cezayê dardekerdişî dewam kenê û ame vatiş; “Aşma  Gulane ra (2025) heta nika 96 tepişteyî zîndanê bajarê Îran û Rojhelatê Kurdistanî de ameyê dardekerdiş û a hûmare ra yew zî cinî ya.”

	 

	Sewbîna ame dîyarkerdiş ke cezaya dardekerdişî di tepişteyê bînî yê sîyasî yê bi nameyê Emîn Ferec Awirgîsawendanî û Îhsan Ferîdî ke wendekarê zanîgeha Tewrêzî ameya birnayîş. Yeno vatiş ke cezaya dardekerdişî bi tometê ‘çekdarî’ her di tepişteyan rê ameya birnayîş.

	 

	Eşkerayîye de venga rêxistinê heqê merdiman ame kerdiş ke hemverê dardekerdişî de wayîrê helwestî bê.