Bajaro ke roj ci de rew vejêno, rîyê ramitişî nîno vînayîş: Cinî 

2025-08-21 10:12:13


	 

	 

	
		Neslîhan Kardaş


	 

	ÎDIR - Karkerê ramitişî ke karê înan bi roşnîya serê sibayî bajaro ke roj ci de rew vejêno, vatî: "Dimayê ke ma şinê zîyan, ma nêeşkenê panc deqeyan boya xo bidê. Ma bê kede û xebate nêeşkenê biciwîyê. Zîyano ke ma xebityenê, çîyo ke ganî bêro kerdiş, ma kenê.”

	 

	Demê verî ra heta nika mabêne cinîyan û herre de girêdayîşêk est o. Beno ke cinî ê kesê ke ziwanê herre baş fam kenê. Bi hezaran serran o, cinîyan bi sebir toxumê ke çînenê bi destê xo wey kerdî, dimayê awe, va û rojî şîyê û herre fam kerdê. Semedê cinîyan, erd tena zîyanêk nîyo, semedê berardişan o; na cuye bixo yo. Girêdayîşê mabêne cinîyan û herre de yê tena bi berardişî sînordar ê. Cinî herre pawenê û berardişê nê cuya cinîyan dewam kena. Na keda hembeş sey adetêk a ke neslêk semedê neslêk bîn yeno vurnayîş.

	 

	Cinîyê ke taxê Hakveyis û Enginalan yê qezaya merkezî ya Îdirî de zîyanê ke bi metreyan fêkî û sebze ci de ameyê ramitiş şuxilênê, zehmetîyê ke ê ci dir rî bi rî manenê qal kerdî.

	 

	

	'Xebata binê tîje de zehmet a’

	 

	Sevda Demir ke taxa Hakveyisî de zîyanê firingiyan de şuxilêna, va ke aye Halfeliyî ra ameya ke zîyan de bişuxilyo û va: “Ma tîya berardişan arêdanê. Sebze emser tay kêm o; ê zaf berarde nîyê. Ma heta nîmeroj şuxilênê. Dimayê ke ma zîyan ra vejênê, ma şinê keye. Ma uca zî eynî karî kenê. Xebata binê tîje de zaf zahmet a. Tîya çi destê ma ra bêro ma kenê. Ma şitlan çînenê, ma berardişan arêdanê. Dimayê ke ma hêga ra vejênê, ma heta pênc deqeyan zî boya xo nêeşkenê bidê. Bi rastî, karê keyeyî tîya ra zêdeyêr ma bêzar keno. Karê keyî, tutî û meymanan dir, ma keye de zî boya xo nêdanê.”

	 

	'Ez 40 serrî yo zîyan de şuxilêna’

	 

	Hanim Ayyildiza 69 serrî ke zîyanê taxa Enginalanî de şuxilêna, dîyar kerd ke mêrdeyê aye 11 serrî verê koçê peyîn kerdo û aye mecbûr menda ke bişuxilîyo. Hanim Ayyildiz ke hîrê tutê aye yê kerr û lal est ê, wina va, "Kam do wayîrê ma vejîyo? Ganî ma xo bi xo wayîrê xo vejîyê. Cuya pêro bi zehmetî ya. Çîyo ke ganî ma bikerê, zîyanê ke ma yenê ma kenê. Eke ma nêkerê, kar çin o. Ma saete 4:30 yê serê sibayî de resenê zîyan û nîmeroj agêrenê keye. Semedo ke zaf germ o, ma dimayê nîmerojî kar nêkenê. Germê tîya zaf zêde yo. Rojê ke ma heta nîmeroj şuxilênê, ma 700 lîra qezenc kenê. Wexto ke ma temamî şuxilênê, ma 1300 lîra qezenc kenê. La ma heta şan de kar nêkenê semedo ke keye de karê ma est o ke ma bikerê. Bî 40 serrî yo hêgayan de şuxilêna."