‘Aştîya Rojhelatê Mîyanên bi çareserîya meseleya kurdî mumkin a’ 2025-09-08 11:00:59   Derya Ren   MERKEZÊ XEBERAN - Verfeka MSD'yî ya Misirî Leyla Sîwar derheqê vengdayîşê ‘aştî û komelê demokratîkî’ yê Rayberê Şarê Kurdî Abdullah Ocalanî û dimayê tesîrê ey yê Misirî ercna û va: “Xeylêk kesê tîya ciwîyenê û Abdullah Ocalanî wanenê, vanê ke no vengdayîşê ey do aştî bîyaro  Rojhelatê Mîyanên rê. Aştîya Rojhelatê Mîyanê bi çareserîya meseleya kurdî mumkin a.”   Rayberê Şarê Kurdî Abdullah Ocalanî 27ê Sibate de vengdayîşê ‘aştî û komelê demokratîkî’ kerd û dimayê nê Kurdistan û Tirkîya de hewayêko pozîtîf awan kerd û pêwa nê Rojhelata Mîyanên de zî hêvîyê şarê uca yê aştîye zêde bî. Yew nê welatan ra Misir o û şar nê ra bawer keno ke do vengdayîşê aştîye Rojhelatê Mîyanên rê bîyaro.   Verfeka Meclîsê Demokratîkî ya Sûrîye (MSD) ya Misirî Leyla Sîwar derheqê vengdayîşî de û Misirî ser o proses senîn ameyo pêşwazîkerdiş JINNEWS’î rê ercna.   Misir de têkoşînê cinîyan   Leyla Sîwar dîyar kerd ke her welat û cografya de têkoşînê cinîyan qonaxê cîya de yê û va: “Cinîyê Misirî û cinîyê kurdî yewbînan ra zaf cîya yê. Misir de cinîyan hîn heqan bidest kerdê. Sazgehan de semedê cinîyan hîn heqî ameyê nasnayîş la hetê caardişê înan de hîn kêmî est ê. Naskerdişê nasnameyê cinî est o, la cinîyê kurdî hema têkoşînê nasname danê. Heto bîn ra zî cinîyê Misirî eşkenê tutanê xo nasnameyê xo ser o qeyd bikerê la hema xeylêk heqî zî nêameyê nasnayîş. Nokteya îdareyê welatî de zî sewîyeyêka cinî ameyê est a.”   ‘Cinîyê Misirî sîyaset de ca gênê’   Leyla Sîwar wina dewam kerd: “Misir de cinî her wareyî de sazgehê xo awan kerdê. No zî tesîrêk pîl têkoşînî ser o kerdo. Sazgehê dewlete de cayêk cinîyan est o. Verê cinîyan nêeşkayîne sîyaset de ca bigîrê. La nika ma ewnîyenê cinî sîyaset de ca gênê û vatişê xo vanê. Bêşik no qîm nêkeno û destpêkek o. Hema babeta demokrasî de xeylêk kêmî est ê.”   Tesîrê Tirkîya Misirî ser o   Leyla Sîwar bale ant vengdayîşê ‘aştî û komelê demokratîkî’ ser o. Leyla Sîwar nê ercnayîşî kerd: “Eke Tirkîya de atmosferê aştî û demokrasî bibo, do tesîr Rojhelatê Mîyanên de zî bibo. Tecrubeyê Misirî yê Tirkîya dir bi dej o. Tirkîya tewrê karê zereyî yê welatanê ereban bî. Tirkîya, Misirî rê destek da birayê mislimanan û welat de dejê pîlî ameyî ciwîyayîş. Vengdayîşo ke Birêz Ocalanî kerdo, hetê şarê Misirî ra demokratîk yeno vînayîş. Xeylêk kesê tîya Abdullah Ocalanî wanenê, vanê ke do no vengdayîş aştî bîyaro Rojhelatê Mîyanên rê. Aştîya Rojhelatê Mîyanên çareserîya meseleya kurdî dir mumkin a. Projeyê Abdullah Ocalanî şaran rê beno hêvî.”