Safiye Alagaş

 

AMED - Cinîyê TJAyî ke semedê Newroze xo amade kenê wina vatî: "Tilîliyê ma, adirê zerrîya ma, hêrsa zerrîya ma, serewedaritişî yo. Ma do xoverdayîşê xo bi adirê Newroze ruhê Newroze berê meydanan."

 

Herême de 21ê Adare de do 14 merkezan de bi sloganê 'Ma do bi adirê Newroze xo ver bidê azad bê' Newroze bêra pîrozkerdene. Yew nê merkezan ra Amed o. Her sazgeh û partî do bi pankartê xo tewrê Newroza Amedî bibê. Yew ci ra îmza eştê Deklerasyonê Newroze, Tevgerê Cinîyan ê Azadan (TJA) yo. TJA do bi sloganê, 'hemverê qirkerdişî cinî cuye, hemverê tecrîdî azadî pawenê' ware de cayê xo bigîrê.

 

'Ma do azadî û xoverdayîş biqîrê’

 

Aktîvîsta TJAyî Jale Okan vat, taxan û dewan de dest bi tavistişê adire Newroze ameyo kerdene û do cinî bi rengê xo wareyan de bê. Par semedê pandemî Newroze nêameya pîrozkerdene û vat: "Bawer a emsar do zaf baş derbaz bibo. Semedo ke ma şarî dir germbîyayîşê nê vînenê. Ma taxan, dewan, kuçeyan de coşê ci vînenê. Bi taybetî cinî do zaf baş pêşwazî bikerê. Meydanê Newroze semedê şarê kurd û cinîyê kurdî meydanê azadî û xoverdayîşî yo. Ma do hem azadî û hem zî xoverdayîş biqîrê."

 

'Ma do Newroze bi ruhê xoverdayîşî pîroz bikerê’

 

Aktîvîsta TJAyî Songul Kapanci zî dîyar kerd ke Newroze semedê şarê Rojhelato Mîyanên zaf girîng a û semedê şarê bindestî zî azadî temsîl kena. Songule wina vat: "Newroze roşanêke rêze ra nîya. Newroze ruhê xoverdayîşî ya. Ruhê serewedaritişî ya. Bi serran o ma pîroz kenê. Serrê ke ameyîne qedexekerdiş ra heta nika her wext ma pîroz kerdo. Ma fek ci ra vera nêdanê. Semedê rojêke girîng a. Hemverê binpaykerdiş û zulmî serewedaritiş a. Ma do nika zî bi ruhê xoverdayîşî Newroze pîroz bikerê.”

 

‘Tilîliyê ma hêrsê zerrîya ma yê'

 

Songule tewr peyîn wina vat: "Cinîyê ke hepsê keyeyî bî, hewl dayî ke bibê cewabê her çî. Semedê nê Newroze semedê cinîyan girîng a. Newroze rewşa hêrsê zerrî de virijnayîşî ya. Ma do bi reng, cil û belgê xo û coşê xo wareyan de bê. Tilîliyê ma, adirê zerrîya ma de yê. Hêrsa zerrîya ma de ya, serewedaritiş a. Ma do xoverdayîşê xo bi ruhê adirê Newroze berê meydanan. Ez veng dana pêro cinîyan û şarê kurdî. Ganî tewrbîyayîşêk xurt bibo. Ma bi ruhê Newroza 2013ine meydan de bê."