ÎZMÎR - Cinîyan reaksîyon vera dewaya padayîşê HDPyî dayî û vatî, ê musayîşê padayîşê partîyan bîyê û vat, yew şêro do hezar bêrê.

 

Hetê Serdozgerîya Komare ya Dadgerî ra bi waştişê padayîşê HDPyî îdianame ame amadekerdene û erşawitê Dadgeha Destûrê Bingeyîn. Bi nê dir dewa ameye akerdene û derheqê 658 sîyasetmedarê HDPyî de qedexeyê sîyasî ame waştene û sewbîna parlamenterîya parlamenterê Kocaelî yê HDPyî Omer Faruk Gergeroglu zî ame weştene. Reaksîyonê hemverê nê dewam kenê.

 

Cinîyê Îzmîrî reaksîyon vera rewşa dayî.

 

‘Amanc weçînayîşê qezenc bikerê’

 

Canan Dal ya teqawîte: Welatêko demokrasî bibo ganî prosesêko wina çinbo. No bi amancê prosesê weçînayîşî yo. Amancê înan oyo ke weçînayîş qezenc bikerê. No polîtîka pelçiqnayîş o, împaratorîyê tersî yo.

 

'Ganî her kes bi azad fikrê xo vajo'

 

Kedkara keyeyî Sebahat Ozum: Ganî tu partîyêke sîyasî nêra padayene. Ganî her kes bi hawayêke azad fikro xo vajo. Ganî cuyêka merdimayî biba û azadî destê ma ra nêro girewtene. Ma welatêko demokratîk de ciwîyenê. La her wext partî yenê padayîş. Yew yena padayîş yew bîne abena. Ez hemverê nê ya.

 

‘Tunehesibandina îradeyê ye’

 

Wendekare Nalan Yilmazarslan: Şarî no merdimî weçîna. No hewildayîşê semedê padayîşê HDPyî yo, no nîno qebulkerdiş. No yeno manaya çinkerdişê îradeyê şarî. No welatî de demokrasî çin o. No welatî de bêhuqûqî esto. HDP vernîya înan de bîyo asteng. Omer Faruk Gergerlioglu heme bêhuqûqîyan ardêne ziwan. Heqê her kesî pawitêne. Semedê nê parlamenterîya ey ame vistene. Heme kesê hemverê xo teber de verdenê. 6 mîlyonî merdimî raye danê HDPyî. HDP partîyêke pîl a. Semedê nê zî kewtî mîyanê amadekarîya weçînayîşî.

 

‘Demokrasîya qaşo, muxalefeto qaşo’

 

Wendekar Sevda Onat: No demêko derg o semedê nê zemîn awan kerdêne. Parlamenterîya Leyla Guven û Musa Farîsogullari ame vistene. Çîyo ke Gergerlioglu zî kerd zaf manayîn bi û rojeve awan kerd. Meclîs zî tu manaya ci nêmendo. Karê înan yê sembolîk esto. Semedê ma padayîşê partîye zêde çîyêk îfade nêkeno. DBP estbi HADEP estbi. Nê ameyî padayîş la tewr xurt abî.

 

'Ganî bi weçînayîş bêrê bi weçînayîş zî şêrê '

 

Muhendise Şeyma Cengîz: Eke partîyêke bi weçînayîş kewena meclîs, ganî şîyayîşê aye zî bi şarî bo. Ez derheqê sîyasetî de zêde wayîrê zanayîşî nêbî zî hetê dadgerîye ra padayîşê partîyêke bêdadî ya.

 

'Yew şêro do hezar bêro'

 

Karker Elîf Turgay Altun: No derbeyêko îradeyê şarî rê ameyo pirodayîşî yo. No welatî de parlamenterî zî êdî xo azad hîs nêkenê û xo azad nêeşkenê îfade bikerê. Çi heyf no ewil nîyo û do peynî zî nêbo. Bi padayîşê partî nêeşkenê fikrê bi mîlyonan kesî bivurnê. Yew şêro do hezar bêrê."