ŞIRNEX - Vizêr dewa Yekmalî Şirnex de di tutî pay nayî mayinî sero û dinyaya xo bedilnayî. Keyeyê tutan cenazeyê xo girewtî û cenazayê wirdî tutan dewa Yekmalî de têhet de ameyî definkerdene.

 

Deweka Yekmalî ya qezaya Qilebanî ya Şirnexî de tutê bi nameyê Yusuf Ata (14) û Caner Sak (16) vizêr saete 15.00 de wexto ke baxçeyê qereqolî de kay kerdêne pay na mayinî ser û dinyaya xo bedilnaye. Leşkeran verî bimojnê keye cenazayî berdî morgê nêweşxaneyî. Ewro keyeyê tutan cenaze morgê nêweşxaneyî ra girewtî û cenazayê wirdî tutan dewa Yekmalî de têhet de ameyî definkerdene.