Şehrîban Aslan 

 

RIHA – Mehkema seba şikdarê destdergî M.S.ye ke qezaya Wêranşarî de yew serrî destdergê bi zirwaya (wayelete) xo kerdî bi bahaneyê fînayîşê cezaye eşkera kerd. Mehkema vat ke wexto ke ê tute ra waştî bale bianca serê qewimîyayîşî, tute cewabê nakokin daya û nê çîyî sey bahaneyê cezaye mojna.

 

Qezaya Wêranşarî ya Rihaye de kesê bi nameyê M.S.yî yew serrî destdergî bi zirwaya xo kerd û 21ê Gulana 2021î de ameybî destbendkerdiş û dimayê îfadeyî serbest ameybî verdayîş. Derheqê M.S.yî de sûcê ‘pêser destdergîye’ ra tehqîqat ame akerdiş û tehqîqat de qerarê ‘ca tehqîqatî rê çin o’ ame dayîş. Yew avûkatê dosyayî ra hemsereka pêroyî ya Komeleya Heqanê Merdiman (ÎHD) Eren Keskîne ya û Erene îtîrazê qerarî kerd. Mehkema îtîraz ca de dî û qerar da ke dewa Mehkema Cezaya Giran de bêra dîyîş. Dimayê qewimîyayîşî derheqê M.S.yî de îdîaname ame amadekerdiş û hetê Mehkemaya Cezaya Girane ya Wêranşarîya ame qebûlkerdiş. Derheqê M.S.yî de sûcê ‘pêser destdergî zirwaya xo kerdo’ ra dewa ame akerdiş. 

 

Roniştişê dewaye yê 13ê Teşrîna Peyêne ya 2023yî de mehkema 15 serrî ceza birna. Heyete mehkema ‘fînayîşê ceza ya emrî’ pê ard û ceza fîna 8 serr û 4 aşmî. Qeraro ke mehkema eşkera kerd de ame vatiş ke raporê ercnayîşê pêvînayîşê edlî ke tarîxê ci 25ê Gulana 2021î bî de bi îfadeyê tute îtîbar yeno kerdiş yan zî nîno kerdiş de tu fikrêk nêameyo eşkerakerdiş. 

 

Qerar de yeno dîyîş ke îfadeyê tute ra bawer nêkenê û wina yeno vatiş: “Bi hawayêkê ke mexdûr vato tute ver bi sûcî ameya berdiş, îdîayê ‘îstîsmarê cînsî yê tute’ nîno dîyîş. Dosya de tena vatişê mexdûr est ê. Derheqê cîrana ke yeno vatiş vernîya îsîtsmarî girewta de malumat çin o. Coka ra îdîa somut nîyo. Ameyo qebûlkerdiş ke îdîayê teşebusê îstîsmarê cînsî somut nêdîyayo. Ameyo îdîakerdiş ke yew reyî ra zêde çalakîya îsîtîsmarê cînsî ameya kerdiş. Îfadeyê mexdûrî, îfadeyê dadîya ke tewr bîya, îfadeyê babî pîya ameyî ercnayîş.” 

 

Mehkema vat ke wexto ke ê tute ra waştî bale bianca serê qewimîyayîşî, tute cewabê nakokin daya û nê çîyî sey bahaneyê cezaye mojna.