MERKEZÊ XEBERAN - TAJÊ bi amancê paştdayîşê bi hemleyê ‘Rayber Apo rê Azadî, Şengalî rê xoserî” merkezê bajarê Şengalî de xeyme rona.

 

Semedê paştdayîşê hemleyê ‘Rayber Apo rê Azadî, Şengalî rê Xoserî’ Têgêrayîşê Azadîya Cinîyê Êzidî (TAJÊ) merkezê bajarê Şengalî de bi sloganê, ‘Kes nikare roja me tarî bike’ xeyme da ro. Sewbîna verê xeyme de çalakîya Yewîya Ciwanê Êzidîxanî standê kitabanê Abdullah Ocalanî dayî ro. 

 

Xeyma çalakîye ke do hîrê rojan dewam bikero, roja yewine de Meclîsê Şarî yê Guhbel, Zorava û Merkezê Şengalî de amade bîyî. Do her roje meclîsê dewe û bajarokan serdayîşî xeyme bikerê. 

 

Xeyma çalakîye her roje saete 09:00ê sibayî de yena akerdiş, heta saetê şanî bi amadebîyayîşê meclîs, sazgeh û rêxistinê Şengalî do qiseykerdiş bêro kerdiş, fehmê Rayberê PKKyî Abdullah Ocalanî bêrê goşdarîkerdiş û mesajî bêrê dayîş.