Habîbe Eren

 

BURSA - Komeleya Havleye ra Rumeysa Çamdereliye derheqê weçînayîşê herêmî de vat ke rojeva cinîyê dîndaran ê muslimanî, rojeva cinîyanê bînan ra cîya nîya û vat: “Stargeh, xoresnayîşê mekanîzmayê edaletî, kreş, hewlkerdişê bi asayiş nê heme rojevê me yê hempar ê.”

 

Weçînayîşê 31ê Adare yê herêmî rê demêk kilm mend û namzetî hema hema heme ameyî eşkerakerdiş. Sey her tim reyna hûmara namzetê camêrdan zêde ya. Bi israr cinî nînê dîyîş. Dezgehê cinîyan her se beno wa bibo xîret kenê ke bêrê dîyîş. Yew nê dezgehan ra Komelya Havle ya. Sey yewine ‘Komeleya Cinîyê Femînîst ê Musliman’ serra 2018î de komele ameye awankerdiş. 

 

Komeleya Havle ra Rumeysa Çamderelîye weçînayîş ra ver çîyê ke nê weçînayîşî ra pawenê, perspektîfê xo û têkoşînê xo yê prosesê vernî de rcnaye.

 

Rumeysa vat ke weçînayîşê herêmî sey komele ê hîrê rojan na babete girewtî dest, verê cû Stenbol, Konya û Wan de ameyî pêser û vat: “No kombîyayîş verê cû ameybî kerdiş la kombîyayîşê ma de babeta ke ma qey tewrê rojeva weçînayîşî nêbenê ame munaqaşakerdiş. Xeylê cinîyê ke komeleye de ca gênê, raşteyêk sîyasî yo ke vengê xo seba weçînayîşê herêmî bidê eşnawitiş nêfikirîyenê. Ewnîyayîşêk winasî est o; ez partîyêke sîyasî de ca bigêra ma do zehmetîyan biancê. No semedê heme partîyan derbazdar o. Ame vatiş ke DEM Partî hîna zêde serê cinî û ciwanan de xebatan rayîr ra bena. Reyna vatî ke rojevê tewr makro yê vernîya înan ke ameyî xetimnayîş, yenê qiseykerdiş.”

 

‘Rojeva weçînayîşî sey yê şer ame munaqaşakerdiş’ 

 

Rumeysaye ard ziwan ke weçînayîş nizdî beno û na babete hîna zêde yena qiseykerdiş û wina dewam kerd: “Wexto ke ma kombîyayîş pê ard ê prosesî de muhabereyêk mabenê camêrdan de pê ard. Coka ra namzetê cinî hîna zêde performans nîşan dayî. Heta ewro cinîyê dîndar nuqtaya xîtabî de serê weçînayîşê herêmî de waştişêk înan est bî. Ma nika derheqê weçînayîşê herêmî de qisey kenê. Rojeva cinîyê dîndaranê muslimanan ê cinîyê bînan ra cîya nîya. Stargeh, xoresnayîşê mekanîzmayê edaletî, kreş, neqlkerdişê bi asayiş nê heme rojevê ma yê hempar ê. Yew babeta bîn şuxilnayîşê camîyan o. Şaredarî seba camîyan kêm xizmet kenê. Ganî camî sey raşteyê îstîmlakî bêrî destgirewtiş.”

 

‘Cinîyan mecburê hetkarîya komelkî kenê’ 

 

Rumeysa ard ziwan ke serê heme kesan de sîstemêk hetkarîya komelkî ameyo awankerdiş û wina dewam kerd: “Lazimîya cinîyan bi îstîhdamî, tewrbîyayîşê cuya rojane est a. Babeta kreşî lazimîya tewr gird a. Lazimîya cinîyan bi nê çîyan est o. Ez qala berdiş, şirawitişê hetkarîya komelkî nêkena. La xeylê hetkarî ‘hetkarîya keyeyî yê’. No hetkarî raşte raşt cinîyan rê ameyo akerdiş. Cinîyan girêdayeyê hekratîya komelkî kenê. No bîyo sey stratejî.” 

 

‘Feqîrî resaya merheleya tewr cor’ 

 

Rumeysa wina dewam kerd: “Feqîrî resaya merheleya tewr cor. Keyeyê ke nêeşkenê werd bikerê çenteyê tutanê xo est ê. Ma qala feqîrîyêke zehmet kenê. Lazimî bi mekanîzmayê ke cinî eşkenê xo biresnê înan est o. Derheqê girewtişê karî de xeylê problem est ê. Bi taybetî karê bê sîgorte de şuxilnayîşê cinîyan beno problem. Cinîyê ke karê bi sîgorte de xebetîyenê nêeşkenê hetkarîya komelkî ra fêde bigîrê. Heta wexto ke fek camêrdan ra vera danê nêeşkenê nefeqe û paştîdayîş zî bigîrê. Coka ra probleme yenê ciwîyayîş.”

 

Rumeysa qiseykerdişê xo yê peyênan de vat: “Şaredarî hetê babetê têkoşînê vera şîdetî de qels manenê. Merheleya polîtîka de ganî hîna zêde çî bêrê kerdiş. Hêvîdara ke weçînayîşê herêmî bibo wesîleya ke destkewtişê ma vînî nêbê, nemzetî bêrê weçînayîş û cinî bieşkê bixebetî. La çi heyfo ke no weçînayîş bê heyecan û enerjî yo. Namzetê camêrdî zêde yê. La qet nêbo ma hetê xo bigîrê û têkoşînê xo cayo ke mendo ra dewam bikerê. Têgêrayîşê cinîyan rewşê tewr zehmetin de hêz vînî nêkerd. Her tim berardiş kerd û bî cewab û têkoşîn rayîr ra berd. Sey komeleye stratejîyê ma no yo ke ma femînîzmî herême de ca bîyarê.”