Dîlan Babat

 

ANQARA - Ayşe Gokkana ke zîndanê Cinîyan ê Sîncanî de tepişte ya, weçînayîş ra ver babeta tîfaqê sexte de îqazan kerd û seba namzetê DEM Partîye zî vat: “Goreyê paradîgmayan, goreyê qerarê hempar ke înan ra dur kewenê têgêrenê. Wa nêkewê pozîsyonê burokratîk. No bêîtîatîye ra wetêr çîyêk nêdano qezenckerdiş.” 

 

Ayşe Gokkane wexto ke hemşaredara Nisêbînî bî xebatanê xo vera sey nimune ameye mojnayîş û nika zîndanê Cinîyan ê Sîncanî de derheqê weçînayîşê herêmî yê 31ê Adare de qisey kerd. 

 

Ayşeye demê HEP û DEPî de Riha de xebetîyaye. HADEP, DEHAP, DTPî de zî wezîfeyê aktîf girewt. Serra 2009î de DTPî ra sey şaredara Nisêbînî ameye weçînayîş. Serra 2013yî de vera awankerdişê dêsê şerî yê mabenê Tirkîya û Rojawanî de vejîya. Dimayê şaredarîye bî verfeka TJAye. 

 

Ayşeye detspêkerdişê qiseykerdişê xo de heme cinîyan silam kerd û vat ke bi des hezaran cinî çinîbayêne do nêameyêne nê rojan. 

 

Vindertişê tarîxî 

 

Ayşeye da zanayîş ke DEM Partî bi metodê verweçînayîşî namzetanê xo dîyar kerd û vat ke nimuneyê teamulê demokratîkbîyayîşî yo û vat: “Binê qirkerdişê sîyasî de bi tewrbîyayîşê se hezaran verweçînayîş ame kerdiş. No reya yewino ke pê ameyo. Weçînayîşê 14ê gulane de vera heme astengîyan bi temsîlkarîya têduştî 61 parlementerî nînan ra 30 hebî cinî ameyî weçînayîş. Verweçînayîş dormeyê şerî de pê ame. Vindertişê vera caardiş û vatişê cînsîyetperestî, netewperestî vindertişêk tarîxî yo.”

 

‘Pêkerdişê bajarî rayîrê 3ine yo’ 

 

Ayşeye dîyar kerd ke ganî ‘pêkerdişê bajarî’ sey rayîrê 3ine bêro ercnayîş û wina vat: “Pêkerdiş bi aştîyêke hempar ê komelkî xo rayîr ra berdiş o. Qet şik çin o ke ganî mutabiqan dûrî bikewê, îxanet nêro kerdiş, rayîr ra nêro vejîyayîş, nêbo îqtîdar. Bê paradgîmaya azadîye nêeşkenê ser bikewê. Her keye, dewe, raşte, taxe, qeza û merkez herêm o. Coka ra; vana ‘pêkerdişê bajarî rayîrê 3ine yo.’ Ganî her kes bizano ke lazimê kesê ke heqê cuye nêdanê înan nê û wa binê rayîrê 3ine de bêrê têkîşt.”

 

‘Yê ke paradîgmayî baş esas nêgînê wa biancê’ 

 

Ayşe wina dewam kerd: “Pêkerdiş eynî wext de ‘nizdî bîyayîş o’. Heme sinifî wayîrê nê vejîyenê. Ma do nizdîyê yewbînan bibê, ma zerrî û samîmîyetî ra bawer bikerê, do reng, xeyal, ziwan, hêvî, nasname, govendê ma nê mozayîkî ra xeylê pê bêrê. Her keyeyê nê welatî raşteyê cuye heq keno. Ma destê xo bidê yewbînan ma do hende nizdîyê yewbînan bibê. Ma do tecrîdî bişiknê. Yê ke paradîgmayî baş esas nêgênê wa biancê.” 

 

Hayîya şima wa tîfaqê sexte ra bibo

 

Ayşe dewamê qiseykerdişê xo de bale ant serê tîfaqê sexte û wina vat: “Vera qirkerdişê ke dewam kenê, tîfaqê ke yenê rojeve bifikirê. Weçînayîş ra ver nizdîbîyayîşê winasî est ê. 25 serrî yo sîstemê tecrîdî dewam keno. Prosesê weçînayîşî de pêvînayîşê tîfaqî yê xîlebazîye yenê kerdiş. No îfadeyê somut ê xîlebazîye yeno kerdiş. Hukmat bi nizdîbîyayîşê hemverê Birêz Ocalanî, nizdîbîyayîşê xo yê hemverê kurdan û dînamîkê demokratîke dîyar keno. Nimune wexto ke bi Birêz Ocalanî reyde pêvînayîş ameyêne kerdiş, caardişê hîna demokratîk bî wexto ke pêvînayîş ame birnayîş dest bi hêrişan kerd. no caardiş baş yeno dîyîş. Hayîya şima wa tîfaqê sexte ra bibo. Ganî cidî bê û bi cîdîyet nizdîyê probleman bibê.”

 

‘Tecrîd caardişêk lêşin o’ 

 

Ayşe bale ant serê tecrîdê giran ê serê Abdullah Ocalanî û vat no caardişêk lêşin û bê îtîbar o û vat: “No kayêk paye weçînayîşî yo. Hema weçînayîş nêbîyo no caardiş nîno qebulkerdiş. No beno sebebe cuya merdiman, cinîyan û herêman. Merg, gonî, şer hêsir. Bi netîceyê wina asan nînê girewtiş. Gonîya ciwanan rijîyena. Sazbîyayîşê serê hedefê girewtişê weçînayîşê Stenbolî de vindenê berpirsîyar ê. Yanî cuya merdiman serê rayêk de ameyo girêdayîş.” 

 

‘Şaredarîya Nisêbînî dînamîkê dinya ard têkişt’ 

 

Ayşe wina dewam kerd: “Nisêbîn bi serkêşîya cinîyan unîversal yo. Nisêbîn bi xoverdayîşê vera mendiş û sînoran dînamîkê dinya ard têkişt. Cinîyê Kurdistanî û Tirkîya vatî ‘ma xeyalê bajarê cinîye pê anê’ û tewrê xebatê cinîyan yê sînoran nasnêkenê yê Nisêbînî bîyî. Bi komê tîyatro yê cinîyan reyde turne ame kerdiş. Xebatê kultur, weşî, ziwan û hunerî ame kerdiş. 5 serran de bî hêvî ke dinyayêka cinî nînê qetilkerdiş mumkun o. No zî xeyalê cinîyê Nisêbînî bî. Nisêbîn bi xebata xo ya ekolojîk, demokratîk û azadîya cinîye bî nimune.”

 

‘Mi zanayîne do her çî nîmced bimano’ 

 

Ayşe bale ant serê prosesê tayînkerdişê qeyûman û wina dewam kerd: “Bi tayînkerdişê qeyûman reyde projeyî nîmced mendî. Nê semed ra ganî pradîgma baş bêro rayîr ra berdiş. Birêz Sara Kaya reyde ma 5 serrî pîya şuxilyayî. Wexto ke bi Cengîz Kok reyde ameya weçînayîş sey her kesî mi zî zanayîne ke do tu çîyêk nîmced nêmano. Birêz Sara Kaya 8 serrî yo tepişte ya. Nisêbînijan şaredarî ancî qeyûman ra girewtî û bi Semîre Nergîz û Ferhat Kut reyde dewam kerdî. Qeyûm tayînê înan zî kerdî. Hemverê nê caardişan do Nisêbînî ancî cewab bidê." 

 

Cewabê semedê tayînkerdişê qeyûman 

 

Ayşe derheqê namzedê hevşaredarîyê DEM Partî de zî wina vat: “Goreyê paradîgmayan, goreyê qerarê hempar vera ke înan ra dûr bikewê têbigêrê. Wayîrê meşrûbîyayîşî merdimayî, wijdanî û ehlaqî vejîyê. Bedel çi beno wa bibo. Wa nêkewê pozîsyonê burokratîk. No bêîtîbarî wêtayêr çîyêk nêdano qezenckerdiş. Xeylêk çîyê bêrê vatiş est ê. Sere de cinî û pêro dînamîkê demokratîk ganî bi têkoşînê hempar xo dewam bikerê. Yan zî do lez bêro vînîkerdiş. Qeyûm tayînê her cayê Kurdistanî bî. Ez kesê ke ma esîr girewtê ra vana, şima tu wext nêeşkenê ma esîr bigîrê. Ez reyke bîn veng dana; semedo ke qeyûmî nêrê tayînkerdiş, ganî tu wext  tawîz têkoşînî rê nêro dayîş.” 

 

‘Bi qasê avûkatêk nêzdî ya’

 

Ayşe wina qedêna: “Hemverê zilm, red û înkarî têkoşînê ke ma danê, semedo ke nêrê îlegalîzekerdiş û terorîzekerdiş her tewirê xoverdayîşî meşrû yo. Qanûnan de meşrûbîyayîş, muhakemeyê gerdunî yê netewî û mîyanneteweyî de ancî netîceyê têkoşînî de ma kerd binê garantî. Eke ma fek nê heqanê xo yê  garantîbîyayîşî vera bidê, do çîyêk bêpawitiş nêmano. Suleyman Soylu kesêk ke nameyê ê wezîrê karê sûcî girewto yo. Tu hûkmê ke netew dewleta pederşahî keno çin o. Hemverê nê xoverdayîşê  bê mabên, heq esas o. Ez pêro namzetan pîroz kena, nika ra bawerîya mi bi xebatan tam a. Berpisyarîyêk bikewo serê milê ma bibo, ez qasî pawitoxêke nêzdî ya. Her kesî silam kena.”