MÛŞ - Rayîrwanan “Rayîr ra şîyayîşê Pîlî yê Azadîye” qezaya Kopî de bi sloganê “Bijî Serok Apo” ameyî pêşwazîkerdiş. Rayîrwanan reaksîyon vera komploya mîyannetewî mojnayî. 

 

Bi wesîleya azadîya fîzîkî ya Rayberê PKKyî Abdullah Ocalanî û çareserkerdişê problemê kurdî bi rayîrê demokratîke, 1ê sibate de “Rayîr ra şîyayîşê Pîlî yê Azadîye” amebî destpêkerdiş û rayîr ra şîyayîş roja 5ine de dewam keno. Rayîrwanê baskê Qersî de ca gênê, ewro serê sibayî qezaya Milazgîrî ya Mûşî de bi şarî reyde ameyî têhet. Rayîrwanan, dima ra ver bi qezaya Kopî ke 3 kîlometreyan dûrî ya rayîr ra şî. Rayîr ra şîyayîş de sloganê “Bijî berxwedana Îmraliyê” , “Bijî berxwedana zindanan” , “Bê Serok jiyan nabe” û “Bila bimire 15’ê Sibatê” ameyî berzkerdiş. 

 

Eşkerayîya ke merkezê qeza de ameyî kerdiş de Verfeka Meclisê Cinîyan ê Partîya Herêmê Demokratîke (DBP) Bêrîvan Bahçecî, bale ant serê tecrîdû Îmraliyî û wina vat: “Birêz Ocalan 25 serrî yo binê tecrîdêk pîlî de yo. 3 serrî yo zî binê tecrîdêk giran de yo. No tecrîd pêro raşteyê ma yê cuye de dewam keno. Ma nê tecrîdî qet qebûl nêkenê. Heta ke tecrîd bêro wedaritiş ma do têkoşîn bikerê. Ma zanê ke heta tecrîd nêro wedaritiş tu problemê welatî safî nêbenê. Muxatabê problemê kurdî birêz Ocalan o. Heta ke no tecrîd dewam bikero do tu kes nê welatî de bi hawayêkê azad nêeşko biciwîyo.”

 

Dimayê qiseykerdişan girse derbazê awanîya DEM Partî bî. Tîya zî pawitişê Ocalan û nîşeyê pêvînayîşî ser o hîn beşê ameyî wendiş. Welatijan demêk derg sloganê “Bijî Serok Apo” berz kerd.