ŞIRNEX - "Rayîr ra şîyayîşê Azadîye" Cizîr de bi serdayîşê esnafan dewam keno. Serdayîş de raywanî qalê amancê çalakîya xo kenê. 

 

35 aşmî yo agahî Rayberê PKKyî Abdullah Ocalanî ra nîna girewtiş. Pêwa ke pêro muracatê pêvînayîşî yê avûkatan bi sebebê “disîplînî” ameyî redkerdiş, tepişteyê sîyasî yê zîndanê Kurdistan û Tirkîya 27ê Teşrîna Peyêne de semedê tewrbîyayîşê hemleyê “Azadî Abdullah Ocalanî rê, problemê kurdî rê çareserîya sîyasî" dest bi grevê vêşanîye kerdî. Merdimê tepişteyan zî na çarçewa de 8 bajaran dest bi nobeta edealetî kerdî. 

 

Eynî çarçewa de 1ê Sibate de “Rayîr ra şîyayîşê Azadîye” ame destpêkerdiş. Rayîr ra şîyayîşê ke bi 2 baskan dest pêkerd roja 7ine de dewam keno. Baskê Wanî ke dest pêkerd, Botan de bi coş û kelecanêk pîl yeno pêşwazîkerdiş. Ewro rayîrwanan verê xo dayî Cizîra Botanî. 

 

Çarçewaya "Rayîr ra şîyayîşê Azadîye" raywanan serdayîşê esnafê qeza kerd û esnafan goşdarî kerd. Raywanî zî serdayîş de qalê amancê çalakîya xo kerd.