MERKEZÊ XEBERAN - Çalakîya roniştişî yê Meclîsê Cinîyê Erebî yê hemverê komployê mîyannetewî yê hemverê Rayberê PKKyî Abdullah Ocalanî ke semedê di rojan amebî dest pêkerdişî, peynî bî. Cinîyê erebî yê tewrê çalakî bîyî, vatî: “Ma Rayber Apo sey rayberê şaran vînenê.”

 

Bi wesîleya 25ine serrgêra komployê mîyannetewî yê hemverê Rayberê PKKyî Abdullah Ocalanî Pêameyê Erebî yê Şengalî rêze çalakîyê cîya organîze kenê. Meclîsê Cinîyê Erebî yê Şengalî zî semedê 13-14ê Sibate dewa Bîrcarî çalakîya roniştişî dabî destpêkerdiş. Çalakîya roniştişî roja dîyîn de peynî bî.

 

Di rojê çalakiya roniştişî de, şarê herême bi amancê paştdayîşê serdayîşê çalakîkerê cinîyan kerdî û mesajê hemverê komployî dayî. Ewro çalakî bi sînevîzyon û wendişê kitabê Abdullah Ocalanî peynî bî. Cinîyê erebî yê tewrê çalakî bî, vatî: “Ma Rayber Apo sey rayberê şaran vînenê.”