Elfazî Toral

 

STENBOL - Verfeka Meclîsê Cinîyan a HDKyî Nazli Buket Yaziciye da zanayîş ke meclîs bi mekanîzmayê têkoşîn û meclîsbîyayîşî kewto demê 13ine û wina vat: “Ma do serra 2024î de têkoşînê cinîye hîna berz bikerê. Rêxistinbîyayîş seba ma muhîm o. Ma bi cinîyan reyde têkoşînêk gird rayîr ra benê. Ma do vera şerî de aştîye awan bikerê. 8ê Adare de ma do bi heme embazê xo reyde bi têkoşîn, xoverdayîş, coş, hêrs û vera aştîye de awankerdişê aştîye raşteyan de bê.” 

 

Meclîsê Cinîyan ê Stenbolî yê Kongereyê Demokratîye yê Şaran (HDK), Heyetê Cinîyan ê Demê 13ine hewteyo verên de awanîya merkezî yê Beyogluyî de pê ard. Heyet de ame dîyar kerdiş ke HDK heta ewro xeta çareserî û têkoşînî de xo xurt kerdo û meclîsê cinîyan zî hem bi têgêrayîşê cinîyan ê dinya hem zî bi têgêrayîşê cinîyan ê Tirkîya reyde ameyo têhet û têkoşîn gird kerdo. Heyet de mesajê do têkoşîn bêro xurtkerdiş û pîlkerdiş ame dayîş û sewbîna zî ame vatiş ke problemê komelî do bi têkoşînê hempar ê cinîyanê dinya bêrê çareserkerdiş. 

 

Verfeka Meclîsê Cinîyan ê HDKyî Nazli Buket Yaziciye derheqê têkoşîno ke rayîr ra benê û xerîtaya neweyî de JINNEWSî rê qisey kerd. 

 

Bi cinîyê erdlerzî reyde kewtî mîyanê paştîdayîş 

 

Nazliye da zanayîş ke giranî dayî xebata cinîyan û serra 2023yî de bi xeylê cinîyan reyde ameyî têkişt û paştîdayîş gird kerdê. Nazliye wina dewam kerd: “Ma serra verêne de xebata cinîyan de serê di esasan de aver kewtî. Demê newe de prosesê erdlerzê 6ê Sibate pê ame. O wext meclîsê ma yê cinîyan serê nê prosesi de vindert. Ma hema bi lezkî herême de xetanê paştîdayîşî da destpêkerdiş. Ma şîyî herêma erdlerzî, xeylê embazê ma dîyî, cuye çinî bî la yê ke ciwîye newe ra awan kerdî cinî bî. Cinîyê ke keyeyêk û ocaxêk înan çinî bî, reyna yê ke kede dayî keye û na kede fikirîyayî cinî bî. Yanî cinîyan proses de di reyan zor û zehmetî dî. Coka ra girdkerdişê paştîdayîşî hetê ma de di reyna pîl bî.” 

 

Heme cinîyan xo bi rêxistin kerd

 

Nazliye dîyar kerd ke xebatê herêman bi koordîne rayîr ra berdî û nê çîyan vat: “Ma hem bi meclîsê cinîyan reyde û hem zî bi rêxistinê bînan yê cinîyan reyde kampanyaya paştîdayîşî de bi lez û bez dest bi xebatan kerd. nê demî de ma dî ke lazimîya ma bi paştîdayîş û rêxistinbîyayîşê cinîyan est a. Dima ra bi prosesê 8ê Adare reyde cinî bi coş, heyecan û hêrsê xo vejîyayî raşteyan. Bi hêrsê rijnayîşê erdlerzî vejîyayî raşteyan. Ewil cinîyan hesab persa. No rêxistinbîyayîş seba ma muhîm bî.” 

 

Kampanyaya komkerdişê mektuban 

 

Nazlicane ard ziwan ke 8ê Adare de bi her cinîyanê hetê cîyayan reyde ameyî têhet û wina vat: “Tena bajarê Rojawanî nê, ma seba paştîdayîşê embazanê xo yê herêma erdlerzî zî kampanya pê ard. Ma waşt ke ma pirdêk awan bikerê. Ma seba cinîyanê herêma erdlerzî kampanyaya komkerdişê mektuban pê ard. Heme herêman de ma paştîdayîşêk xebatêk weş kerd. Esasê xebatê ma de berzkerdişê têkoşîn û paştîdayîşê cinîyan est bî.”

 

‘Ma do hemverê şerî de aştîye awan bikerê’ 

 

Nazlicane ard ziwan ke do 2024ine de têkoşînê cinî pîl bikerê û wina vat: “Ma do nê prosesî de têkoşînê cinî pîl bikerê û hemverê zîhnîyetê serdestî yê camêrdî û kehnî têkoşîn bikerê. Proseso ke heqê tewr sereyîn ê cinîyan sey Peymana Stenbolî ame antiş û 6284 munaqeşe rê ame akerdiş de ma do têkoşîn û paştdaşê xo pîl bikerê. Ma têkoşînê heqê cuye danê. Ma do têkoşîn pîl bikerê.”

 

‘8ê Adare de pêro cinî bi xoverdayîş do kuçeyan de bê’ 

 

Nazliye wina qedêna: “Ma do hemverê şerî aştîye awan bikerê. 8ê Adare de ma do bi pêro embazanê xo reyde têkoşîn bikerê, xoverdayîş, coş, hêrs û hemverê şerî awankerdişê aştîye de kuçeyan de bê.”