MERKEZÊ XEBERAN - Semedê roja ziwanê dayîke ya dinya, tutan dîyar kerd ke ê do bi ziwanê dadîye xo qisey bikerê û bi ziwanê xo ameyoxê xo awan bikerê.

 

Bi wesîleya 21ê Sibate semedê roja ziwanê dadîye ya dinya Rêxistina Stêrkî ya Taqîbkerdiş û Pawitişê Heqê Tutan ya Vakur û Rojhelatê Sûrîye, Dibistana Şehîd Mustefa Gulo ya bajarê Qamişloyî eşkerayîyêke da çapemenîye.

 

Wendekarê dibistane bi cil û belgê kurdî xo xemilnayî û pankartê semedê ziwanê kurdkî wedarnayî. Sewbîna sloganê “Bê ziman jiyan nabe” û “Zimanê me hebûna me ye” ameyî berz kerdiş.

 

Muhtewayê eşkerayîye wina yo:

 

“Dinya de xeylêk şorişî yenê organîzekerdiş semedê pawitişê bîyayîşê xo. Yew zî nê şorişan ra şorişê ziwanî yo. Şorişê ziwan, şorişê tewr muhîm o. Semedê merdimî bi ziwanê dayîka xo pêro dinya dano naskerdiş. Demê merdimî wayîrê ziwanî bo, yeno manaya ke tu wayîrê heqî yo û wayîrê tarîxî yo. Coka heqê her merdimêk/e serê rîyê erdî de est o ke pawitişê ziwanê dayîka xo bikero da ke bîyayîşê xo vînî nêkero.

 

Tarîxê 21ê Sibate ya serra 1999ine de hetê UNESCO ra ame îlankerdiş da ke na roje biba roja dinyaye ya ziwanê dayîke. Na roje de her kes goreyê kultur û adetê xo pîroz bikero. Ma zî sey tutî wazenê ke ma û pêro tutê dinya bi ziwanê dayika xo qisey bikerê û bi ziwanê xo ameyoxê xo awan bikerê. 

 

Ma bi nameyê Rêxistina Stêrkî ya Taqîbkerdişî û Pawitişê Heqê Tutan Vakur û Rojhelatê Sûrîye na roje pêro dinya rê pîroz kenê û bi hêvî yê ke her kes ziwanê xo wayîr vejîyo.”