STENBOL - Bi hezaran kesî seba "Mîtîngê Demokrasî û Azadîye" kişta Rêxistina DEM Partîye ya Bajarê Stenbolî ra yeno organîzekerdiş û do Raşteyê Esenyurtî de mîtîng pê bêro, bi cil û berganê xo yê heremî û bi sloganê "Bijî Serok Apo" rayîr ra şinê û Rayberê PKKyî Abdullah Ocalanî silam kenê. 

 

Rêxistina Partîya Têduştîye û Demokrasîyî yê Şaran (DEM Partî) ya Stenbolî bi wesîleya paştîdayîşê “Rayîr ra Şîyayîşê Pîl ê Azadîye” ke bi waştişê azadîya fîzîkî ya Rayberê PKKyî Abdullah Ocalanî ke Zîndanê Tîpê Fyî yê Asayîşo Berz ê Îmraliyî de binê şertê giranan de tecrîd de yeno tepiştiş û 36 aşmî ra zêde yo tu xeberêke ci ra nîna girewtiş û çareserkerdişê problemê kurdî ê bi rayîrê demokratîke ameybî viraştiş, taxa Esenyurtî ya Stenbolî de “Mitîngê Azadî û Demokrasîyî” virazena. Nika ra bi hezaran kes herikîyeno raşteyê mitîngî. 

 

Her çend ke hema wextê mîtîngî rê wext bibo zî bi hezaran kesî bi flamayê renginan ver bi raşteyê mîtîngî herikîyenê. Cayê mîtîngî de coşêk pîl est o û bê maben tilîlî yene berzkerdiş û girseyî çepikan piro danê. Xeylê hemwelatijî bi kincanê xo yê heremî yê kurdî tewrê mîtîngî bîyî. Hemwelatijî di nuqtayanê cîyayan ray ê polîsan ra herikîyenê raşteyê mîtîngî. Raşteyê mîtîngî de xeylê reyan sloganê “Jin, jiyan, azadî” û “Biciwîyo xoverdayîşê zîndanan" yeno berzkerdiş. Heto bîn de flamayê DEM Partî raşteyê mitîngî de ya, ameyî daliqnayîş.

 

Raşteyê mîtîngî de coşêk pîl est o û raşte hêdî hêdî pir beno. Hemwelatijî bi deyîrê weçînayîşî yê DEM Partîye û deyîrê kurdî xelekê govende çarnayîş. 

 

Heto bîn de 39 qezayanê Stenbolî ra hemwelatijî ver bi raşteyê mîtîngî ra bi wesayîtan kewtî rayîr. Konvoyo ke seyan wesayîtan ra pê yeno, herikîyeno raşteyê mîtîngî.