MERKEZÊ XEBERAN - Meclîsê eyaletê Pencabî yê Pakistanî ame kerdiş de netîce de Meryem Nawaz sey serekwezîra cinîye ya eyaletê welatî ameye weçînayîş.

 

Endamê Meclisê Pencabî yê Pakistanî, weçînayîşê ke semedê dîyarkerdişê serekwezîra eyaletî ame kerdiş de, rayî dayî. Meclîsê Pencabî yê ke 371 kursiyan pê yeno de kênaya Temsîlkarê Serekê Koma Mislimanan ê Pakistanî (PML-N) û serekawezîrê verê Nawaz Şerîf, Meryem Nawaze rayê 220 endaman girewte.

 

Meryem Nawaze, hetê xeylê rayan ra ameye weçînayîş û tarîxê welatî de bî cinîya yewin ke sey serekwezîra eyaletî ameye weçînayîş. PML-N, Meclîsê Pencabî de bi 193 kursiyan xeylê xo dest de gêna.

 

Namzedê Têgêrayîşê Edaletî yê Pakistanî (PTI) Rana Aftab yê partîya serekwezîrê verî yê tepişte Îmran Khan, weçînayîşan protesto kerdibi.

 

Weçînayîşê Pakistanî

 

Komîsyonê Weçînayîşî yê Pakistanî, netîceyê weçînayîşê Meclîsê Neteweyî û meclîsê eyaletan ke 8ê Sibate de ame kerdiş, 11ê Sibate de eşkera kerd. Goreyê netîceyê fermî, weçînayîşan de parlementerê xoserî yê PTIyî partîya serekwezîrê verî yê tepişte Îmran Xan rêza ewilî de û PML-Nyê serekwezîrê verê Şerîfî lîdertiyê ci keno zî rêza diyîne de ca girewtibi.