ÎZMÎR - Kubra Filize serê nameyê tepişteyanê sîyasî yê Zîndanê Cinîyan ê Şakranî bi rayîrê faksî mesajê 8ê Adare şirawit, 8ê Adare Roja Cinîyan a Dinya pîroz kerd û bale ant serê wisarê cinîyan û cuyêka newe. 

 

Kubra Filize serê nameyê tepişteyanê sîyasî yê Zîndanê Cinîyan ê Şakranî bi rayîrê faksî mesajê 8ê Adare şirawit û 8ê Adare Roja Cinîyan a Dinya pîroz kerd. 

 

Mesaj de wina ame vatiş: "Bi hêvîya demê ke her kes xo bivîno û cigêrayîşê xo temam kerdo de; 

 

Nika kesê ke wisar rihê xo de hewênenê serê nameyê ma hemeyan, serê herra roşna de zimistanê tarî peynî kenê. Her kesî dawet kenê, seba ke ma pîya wisarê cinîyan damî bikerê. No kelecanêk pak o û bi coşêk zerrîya ma de hewîyeno. 

 

Ma zî bi nê coşî dêsan derbaz bikerê û bêrê têhet. Newe ra zerrîya ma têhet de ya, ma mil bi mil ê û ma vanê ke ma bi hêzê xeyalê tutîye bi xeyalê mird û dekerde dest pêkerdişê newîye rê ber akerê, cuya newîye rê û 8ê Adarê newîye yê ma berêk akerê. 

 

Ma demêk efsaneyi de pîya bibê, ma dest bidê yewbînan, ma porê yewbînan bihonê û wa binê parseyê ma yê çep de bi vayê teze yê wisarî û wa bi renge wisarî yê teze pir bibê. 

 

Ma huyayîşê xo yê tewr weşikan dîyarîyê cinî û camêrdan kenê û bi hesret û heskerdişêk înan silam kenê. 

 

Bi hêzê ganîbîyayîşî, dostbîyayîş, embazîya cinîyan ma 8ê Adare Roja Cinîyanê Dinya pîroz kenê, wa her roja şima bi rengê 8ê Adare û bi coş derbaz biba. Ma şima verik kenê. 

 

Bi heskerdiş û bi sihetî sax bimanê."