ANQARA - Hemşaredara Gimgimî ya verêne Sabîte Ekîncîya ke Zîndanê Cinîyan ê Sîncanî de tepişte ya, bi wesîleya 8ê Adare Roja Cinîyanê Dinya mesaj şirawite û dîyar kerd ke cesaretê cinîyan ameyoxî roşn keno. 

 

Hemşaredara verêne ya qezaya Gimgimî ya Mûşî Sabîte Ekîncîya ke Zîndanê Cinîyan ê Sîncanî de tepişte ya, bi wesîleya 8ê Adare Roja Cinîyanê Dinya mesaj şirawit. 

 

Mesajo ke şirawit wina yo; 

 

“Bi wesîleya 8ê Adare Roja Cinîyanê Kedkare ya Dinya ke yew destkewtişê muhîmî yê têkoşînê kede û azadîye ke cinîyan bi berdêlê canê xo dest fînayî ra mi waştêne bi tilîlî û sloganê 'Jin jiyan azadî' berz bikera. 

 

8ê Adare yew roja tewr muhîm a têkoşîn û serkewtişî ya, têkoşînê awankerdişê komelêk demokratîke, ekolojik, azadîya cinîye ya. Vera hêrişê destkewtişan de têkoşînê cinîyan, vera têkoşînê ma yê siyaset, rayîrberî û wayîrê îrade, tayînkerdişê qeyûman, ma bi têkoşînê xo yê bi cesaret vindetişê xo bimojnê. 

 

Qêrayîşê ma yê bi cesaret, hemverê nebaşîyê organîzekerde do ameyoxê ma roşn bikero. Ma mîyanê hêvî de yê ke ma do bi cinîyê ke vera astengîyan, cinîyê raşteyan de ca gênê, govende çarnenê û sloganê 'Jin jiyan azadî' berz kenê, bêrê têkîşt."