AMED - Dewaya parlamentera DEM Partîye ya Amedî Adalet Kaya bi îddiayê "endamîya rêxistine" ci ra ameyîne muhakemekerdiş, bi sebebê destnêdayîşê qanûnî ame vindarnayîş

 

Bi sebebê falîyetê serdemê serekîya Komeleya Cinîyan a Rosaye de parlamentera DEM Partîye ya Amedî Adalet Kaya bi îddiayê "endamîya rêxistine" ameye muhakemekerdiş. Dewaya parlamentera DEM Partîye ya Amedî Adalet Kaya bi îddiayê "endamîya rêxistine" ci ra ameyîne muhakemekerdiş, bi sebebê destnêdayîşê qanûnî ame vindarnayîş. Adalete tewrê roniştişê 11ine Dadgeha Cezaya Giran ya Amedî de ame kerdiş nêbî. Avûkate Gozde Engin û Gazal Bayram roniştiş rê amade bîyî. 

 

Dozgerî, mutalaya dadgehî rê pêşkêş kerd de ard ziwan ke Adalete sey parlamenter ameya weçînayîş, goreyê maddeyê 83ine ê makeqanûnî destnêdayîşê qanûnî qezenc kerda. Coka zî qerar ame dayîş, muhakemekerdişê Adalete bêro vindarnayîş û kontrolê tedbîrê edlî yê serê Adalete bêro wedaritiş.