Rozerîn Gultekîn

 

AMED - Hemsereka Pêroyî ya DEM Partîye Tulay Hatîmogullariya ke derheqê roşanê Newroze ya ke bi sloganê "Wirze Wextê Azadî û Serkewtişî yo" yena pêşwazîkerdiş de qisey kerd û vat: "Pênasekerdişê çareserîya problemê kurdî bi hawayêkê tewr somut no yo ke Birêz Ocalan bi hawayêkê fizîkî azad bibo û ma do seba peynîkerdişê polîtîkayê şer û pêrodayîşî na Newroze de mesajê muhîmî bidê." 

 

Kongreya Komela Demokratîke (KCD), Tevgerê Cinîyanê Azadan (TJA), Partîya Herêmê Demokratîkî (DBP), Partîya Têduştîye û Demokrasîyî yê Şaran (DEM Partî) deklerasyonê xo yê derheqê Newroza 2024î ke bi sloganê "Wirze Wextê Azadî û Serkewtişî yo" yena pêşwazîkerdiş, Komeleya Kultur û Hunerî ya Dîcle ya Amedî de pare kerd. Dimayê deklerasyonî ke tede bale ancîyeno serê azadiya fîzîkî ya Rayberê PKKyî Abdullah Ocalanî, Hemsereka Pêroyî ya DEM Partîye Tulay Hatîmoglullariye venga tewrbîyayîşê Newroze kerd. 

 

Mesajê Tulay Hatîmogullariye wina yo: "Newroza 2024î do biba Newrozêke têkoşîn, azadî, têduştîye, heq û destkewtişê şarê kurdî ke 40 serrî yo dewam keno. Do bibo îmkanêk seba çareserîya problemê kurdî, bi metodê aştîyane û demokratîke. Nê çend aşmanê peyênan de seba çareserkerdişê problemê kurdî û azadîya Abdullah Ocalanî Kurdistan, Tirkîya û Ewropa de çalakî pê yenê. Çareserîya problemê kurdî hetê cografyaya Rojhelatê Mîyanênî ra, hetê aştîya Tirkîya û herê aştîye de do biba gamêke muhîm. 

 

Pîya meşaleya azadîye tafînê 

 

Tirkîya de resnayîşê averşîyayîşê derheqê çareserîye do raştîye de biba gamêke seba akerdişê berê çareserîye yê Rojawan û Bakurê Sûrîye û fermîkerdişê statuyê tîya. Sewbîna cografyaya Rojhelatê Mîyanênî mîyanê şer de ya. Nika Kafkasya mîyanê şer de yo, herêma şerê herêmî yê ke hêzê emperyalist ê dinya danê rayîr ra berdiş est ê. Uca de çi heyfo ke îqtîdarê emperyalîst û rejîmê otorîter ê Tirkîya xîret kenê ke sey problemê kurdî û Filistînî seba menfîetê xo bişuxilnê. La nê wirdî qewimîyayîşan de problemê giran zêde yê. Coka ra Newroze de bi rihê têkoşînê Kawayê Asinkarî vera Dehaqê zalimi de bi rihê têkoşînî yê bindestan, bi rihê têkoşînî yê Mahîr, Denîz, Kaypakkaya, Dr. Hîkmet Kivîlcîmî ma amanc kenê ke serra 2024î de pîya meşaleya azadîye tafînê. 

 

 Newroze pîroz bo 

 

Na Newroze do biba Newroza çareserîya aştîyane ya demokratîke ya problemê kurdî, peynîkerdişê tecrîdê girankerde yê serê Birêz Ocalanî, azadîya fîzîkî û peynîkerdişê şerî. Do semedê înan mesajê xurtî bêrê dayîş. Ma do nê waştişan seba şarê kurdî û sewbîna seba heme şaranê ke Tirkîya û Rojhelatê Mîyanênî de ciwîyenê pîl bikerê. Raştî zî na herre bi gonî, polîtîkayê parçekerdiş û bermayîşan mird bîya. Êdî sebrê şarê kurdî nêmendo. Rayîrê pêameyîşê aştîye, herême de çareserîya problemê kurdî yo. Venga mi no yo ke ma waştişê çareserîya problemê kurd îberz bikerê. Nê çîyî do Newroza 2024î de pê bêrê. Newroze pîroz bo.”