MÊRSÎN - Înîsiyatîfê 78ine ê Mêrsînî bi wesîleya serrgêra darbeyê 12ê Adare de eşkerayîyêke da û venga hukmatî kerd ke bi aqûbetê ameyê ciwîyayîş ra bêro rî bi rî.

 

Înîsiyatîfê 78ine ê Mêrsînî, derheqê darbeyê 12ê Adare de Parkê Ozgur Çocukî de eşkerayîye da. Xeylêk sazgehê komelê sivîlî zî paştdayîş dayî eşkerayîye. Eşkerayîye hetê Verfekê Înîsiyatîfê 78ine ê Mêrsînî Nejdet Kiliçî ra ame wendiş. Eşkerayîye de dovîzê "Ma peymanê hewldayîşê darbeyê faşîstî yê 12ê Adare xo vîr ra nêkerd û ma do xo vîr ra nêkerê" ameyî wedaritiş.

 

'Bêrê ma pey heqîqet û edaletî rayîr ra şêrê'

 

Nejdetî, dîyar kerd ke mexsedê darbeyê 12ê Adare yê sivîl û leşkerî o bî ke demokrasî werte ra wedarno û dîyar kerd ke demo ke no qerarname ame dayîş, xeylê qirkerdişî bîyî û o wext bi hezaran şorişgêr û roşnvîrî bi operasyonan ameyî îşkencekerdiş û tepiştiş. Nejdetî, dewam de venga hukmatî kerd û vat: “Problemê vizêr û ewro pêwa metodê çareserî her ku şino giranêr beno. Bar giran o û komel êdî nêeşkeno nê barî wedarno. Bêrê ma pey heqîqet û edaletî de rayîr ra şêrê û bibê pêşkêşwanê heqîqetî! Bêrê ma bi rastî de rî bi rî bibê. Bêrê ma birînê komelî bipêşnê, ke reyke bîn eynî çî nêqewîmîyê û hîsê edaletî derman bikerê.”