MERKEZÊ XEBERAN - Moskova de “Musabaqaya Xelata Dansê Sahneyê Şarî yê Rusya” de kolektîfê dansê kurdî xelate girewte.

 

Musabaqaya Xelata Dansê Sahneyê Şarî yê Rusya, Sarayê Kulturî yê Unîversîteya Resnayîşî Rusya de ame organîzekerdiş. Programê musabaqa rê pêwa komê ke mîyanneteweyî de xelate girewtê, 80 komê dansî beşdar bîyî.

 

Musabaqa de jurîyê pisporê huner ê kulturî yê Federasyo Rusya ca girewt û serekîya jurî de zî serekê komîsyonê koreografî yê Wezîrê Kulturî V. G. Şerşnev û Serekê Beşê Dansî yê Şarî Enstituya Kulturî ya Dewlete ya Moskova Y. G. Derevyagin ca girewt.

 

Kolektîfê dansê kurdî “Rûken’’ beşdarê musabaqa bî û beşê “Folklor” de xelate qezenc kerd. Koma “Rûken” ke nawitişê “Sanikê kurdî yê koyê Colemêrgî” pêşkêş kerd, hetê temaşekerdoxan ra xeylê ame ecibnayîş.