MÊRSÎN - Rêxistina DEM Partîye ya Mêrsînî semedê fîrazkerdişê Newroze ya Mêrsînî ke do Raşteyê Mitîngî yê Tirmilî bêro organîzekerdiş, veng da.

 

Rêxistina Partîya Têduştî û Demokrasîyî yê Şaran (DEM Partî) ê Mêrsînî semedê fîrazkerdişê Newroza ke do 20ê adare de Raşteyê Mitîngî yê Tirmilî yê qezaya Akdenîzî de bi sloganê “Rabe dema azadî û serkeftinê ye” bêro organîzekerdiş, eşkerayîye da. 

 

Parlamentera Mêrsînî Perîhan Koca û Alî Bozan zî tewrê eşkerayîye bîyî. Eşkerayîye hetê Hemsereka DEM Partîye ya Mêrsînî Bedriye Kuş ra ameye wendiş. 

 

Bedrîye, ard ziwan ke do sey her serre emser zî Newroze bi coş û qerarêk pîl pîroz bikerê û wina vat: “Newroza emser tenê sey roşanêk wisarî nê, eynî wextî de do açaryo pîlkerdişê têkoşînê hemverê zilm, bêedaletî û tecrîdî û do agêro destkewtişan. Adirê Newroze do reyke bîn hemverê tecrîdî, semedê azadî, têduştî û edaletî bêro tafistiş. Vengdayîşê ma semedê temamê şarê ma yê Mêrsînî û dostê ma o yo ke dorê adirê Newroze de kom bibê û roşanê xoverdayîş û azadîye bi coş fîraz bikerê. Ma temamê şarê xo û dostê xo dawetê Newroze kenê.”