MERKEZÊ XEBERAN - Meclîsê Demokratîke yê Şaran dimayê qebûlkerdişê îstîfayê Bêrîvan Xalid, Evîn Siwêd sey hemsereka Meclîsê Îdareyî yê Xoserîya Demokratîke weçîna.

 

Meclîsê Demokratîke yê Şaran kombîyayîşê xo yê asayî, bajarê Reqayî de organîze kerd. Kombîyayîş de pêşnîyazîyê îstîfaya Bêrîvan Xalid ame qebûlkerdiş û bi semedê weçînayîşî hemsereka newî ya Meclîsê Îdareyê Xoserîya Demokratîke ya Herêma Bakur û Rojhelatê Sûrîye raydayîş bî. Netîce de bi tesdîqkerdişê xeylê endaman, Evîn Siwêd vera ci ameye weçînayîş.

 

Kombîyayîşê Meclîsê Demokratîke yê Şaran dewam kena. Goreyê rojevê kombîyayîşî do endamê Dadgeha Pawitişê Hempeymana Komelî bêrê weçînayîş, eynî wextî de do endamê newî yê Meclisê Demokratîke yê Şaran û semedê newekerdişê Heyetê Keyeyê Şehîdan do raydayîş bibo.