ÎZMÎR - TJA, DBP, Dayîkê Aştîye, ANYAKAYDER û DEM Parti şîyî serdayîşê gorê Zekiye Alkan a ke Newroza 1990 de Sûrê Amedî de bedanê xo da verê adirî. 

 

Têgêrayîşê Cinîyê Azade (TJA), DBP, Dayîlê Aştîye, ANYAKAYDER û DEM Partî şîyî serdayîşê gorê Zekîye Alkan a ke Newroza 1990î de Sûrê Amedî bedanê xo da adir ver. Serê gorê Zekîye yê Bornovayê Îzmîrî de sloganê “Newroz piroz be”, “Şehîd namirin” û “Bijî Newroz” ameyî berzkerdiş. 

 

'Ez o bibî vengê cinîyanê kurdan û Kurdistanî'

 

Aktivîsta TJAyî Emîne Înan tîya de da zanayîş ke Zekîye Alkan 1990î de Sûrê Amedî de bedanê xo daya verê adirî û wina vat: "O wext Nisêbîn de xeylêk merdimî şehîd kewtî û no zî tesîrêk pîl serê Zekîye de kerd. Wexto ke semedê wendişê mektebî şî Amed, tewrê têkoşînî bîye. Dima da şî Sûrê Amedî û venga her kesî kerd û vat, 'Ez zilm û zext qebûl nêkena. Ez o biba vengê cinîyanê kurdan û Kurdistanî. Ez o sûrê Amedî de bedenê xo bidî verê adirî' ." 

 

Emîne dîyar kerd ke semedê adirê Newroze pîl bibo, Zekîye bedenê xo daya verê adirî û vat, mesajê Zekîye ma rê bî mîras, ma do bi nê hişmendî hemverê zilmî de vinderê.