AMED - Nobeta Edaletî ke semedê azadîya fîzîkî ya Rayberê PKKyî Abdullah Ocalanî û çareserîya problemê kurdî yê bi rayîrê demokartîke ame destpêkerdiş roja 102ine de dewam kerd.

 

Amed de serkêşîya Komeleya Paştdayîşî bi Keyeyê Tepişte û Hukumwerdoxan (TUHAY -DER) hetê keyeyê tepişteyan ra bi sloganê, "Abdullah Ocalanî rê azadî problemê kurdî rê çareserîya sîyasî Nobata Edaletî ya ke amebî destpêkerdiş, hetê awanîya Partîya Herêmê Demokratîke (DBP) ra roja 102ine de dewam kena. Ewro zî xeylêk kesî şîyî serdayîşê çalakîye.

 

Çalakîya ewro de yew merdima tepişteyan Încî Guler qisey kerd û vat, "Ewro tecrîdê serê Birêz Ocalanî temamê zîndanan de vila bîyo. Ma semedê tepişteyanê nêweşan xo ver danê, semedo ke tepişteyê ke înfazê înan ameyo betalkerdiş, têkoşîn kenê. Wa bêrê kîşta ma û bibê veng. Ez venga pêro partîyan kena. Senîn ke amadekarîya weçînayîşî kenê wa ma zî bivînê, wa hêsrê çimanê ma bivînê. Ganî ma zîndanan de bibê roşn û hêvî."

 

Çalakî bi sloganê, "Bijî berxwedana zindanan" û "Hak Hiqûq edalet" peynî bî.