MERKEZÊ XEBERAN - Semedê wesîleya ameyîşê Newroze, pîrozbayîyê bajarê Rojhelatê Kurdistanî bi coşêk pîl dewam kenê.

 

Newroza azadîya ke pêro serre her cayê Kurdistanî de bi coş yena pêşwazîkerdiş û pîrozkerdiş, emser zîsey serranê vîyarte Rojhelatê Kurdistanî pêwa pêro zextê dewleta Îranî, bi coşêk pîl dest pêkerd û her roje xeylêk cayanê ci yena pîrozkerdiş.

 

Newroze, vizêr bajarê Seqiz, Bokan, Mihabad û xeylêk bajar û dewanê bînan ê Rojhelatê Kurdistanî de bi tavistişê adirê Newroze û gêrênayîşî govendan ame pîrozkerdiş.

 

Merasîmê vizêrî ke marşê şorişgêrî ameyî qêrînayîş, girseyî heta ereyî şewe dorê adirê Newroze de govende kerdî û Newroze û mewsîmê wisarî yê serra neweyî pêşwazî kerdî.

 

Yeno pawitiş ke do pîrozbayîyê Newroze Rojhelatê Kurdistanî dewam bikerê. Do hîn cayê ke hema roj û saetê înan nêameyê eşkerakerdiş do Newroza fînalî zî organîze biba.