ÎZMÎR - Newroza Îzmîrî bi tewrbîyayîşê bi hezaran kesî bi sloganê, "Be serok jiyan nabe" Meydanê Gundogduyî de dest pêkerd. 

 

Newroza Îzmîrî bi tewrbîyayîşê bi hezaran kesî bi sloganê "Be serok jiyan nabe" Meydanê Gundogdu de dest pêkerd. Amebi vatiş do dekewtişê saete 12.00ine de dest pêbikero labelê girse saetê serê sibayî de ameyî nokteyan. Girse Meydanê Cumhuriyet û Alsancakî de dekewtî meydanê Newroze. Sloganê "Bijî Serok Apo", "Bi can bi xwîn em bi te re ne ey Serok", "Bê Serok jiyan nabe" û "Jin jiyan azadî" ameyî berzkerdiş. Bi hezaran merdimî bi cilanê xo yê kurdî reng dayî Newroze. Meydan de posterê Deniz Poyraz a ke awanîya HDPyî ya Îzmîrî de ameye qetilkerdiş ame wedaritiş û beyraqê TJA, DEM Partî û hêzê sosyalîstî û çepgirî ameyî berzkerdiş. Sewbîna pankartê "Bijî azadî, bimre koletî", "Bi rihê têkoşer ê Hesinkar Kawa em mekanên bi tecrîd hilweşînin, em bajarên azad ekolojîk û demokratîk ava bikin. Newroz pîroz be" ameyî akerdiş. 

 

Girse bi çepik û tîlîlî govende kerdî. Pîrozbayîya Newroze bi rêzgirewtiş dest pêkerd. Do Hemsereka Pêroyî ya DBPyî Çigdem Kiliçgun Uçar, Verfekê HDKî Cengiz Çiçek, Parlamenterê DEM Partiye yê Îzmîrî Îbrahim Akin qisey bikerê.