DÊRSIM - Newroza Dêrsimî ke bi rayîr ra şîyayîşêke girseyî ver bi Raşteyê Seyît Rizayî de dest pêkerd de seba Rêberê PKKyî Abdullah Ocalanî venga azadîye ame kerdiş.

 

Coşê Newroza 2024î xêrcê bajarê Tirkîya û Kurdistanî bi sloganê 'Wurzê we, wext wextê serkewtiş û azadîye yo' Dêrsim de dîya destpêkerdiş. Parlamentera Partîya Têduştîye û Demokrasîyî yê Şaran (DEM Partî) ya Qersî Gulîstan Kiliç Koçyîgîte, Parlamentera Dêrsimî Ayten Kordu, Hemsereka Partîya Sosyalîste ya Bindestan (ESP) Ozlem Gumuştaş, Partîya Kede (EMEP) tewrê Newroza ke hetê Partîya Ked û Demokrasîyî (DEM Partî) yê Dêrsimî ra ame organîzekerdiş bîyî. Serekê Pêroyî yê EMEPî Seyît Aslan û Serekê Meclîsê Sosyalît Mahîr Guzî zî tewrê Newroze bîyî. 

 

Bi coşê Newroze bi rayîr ra şîyayîşêk bi hezaran kesan ver bi Raşteyê Seyît Rizayî ra dest pêkerd û pankartê "Newroz bimbarek bo, vera zilm, neheqî, qedexe û îstîsmarî de" ame akerdiş. 

 

Rayîr ra şîyayîşê bi sloganê 'Biciwîyo Serek Apo' 

 

Rayîr ra şîyayîş ra ver şar Raşteyê Sanatî de bi def û zurneyan govend çarna. Şar bi sloganê “Biciwîyo Serek Apo” û “Jin jiyan azadî” ver bi raşteyî ra kewt rayîr û govend çarnayî. Bi hezaran kesê ke vera varitî raşte nêterikna mesajê do 31ê Adare de ser bikewê da. 

 

Raşteyê Newroze de eleqeyêke pîl ê ciwanan est bî û bi kincanê xo yê renginan raşteyê Newroze rengin kerdî. Dayîşê Aştîye zî bi tilîlî û slogananê serkewtişî pîrozkerdiş de ca girewtî. 

 

Yeno pawitiş ke Newroza Dêrsimî de bale biancîyo serê tecrîdê serê Rayberê PKKyî Abdullah Ocalan û sewbîna derheqê grevê vêşanîye yê zîndanan de zî qiseykerdiş bêrê kerdiş. Newroze de pankartê “Adirê çaran bîyo milyonan” mohrê xo bidîyo Newroze. Sewbîna raşteyê Newroze de xeylê tabelayê azadîya Ocalanî est ê.