AMED - Wendekarê unîversîte Kemal Kurkuto ke Amede de Newroza 2017î de hetê polîsêke ra ameybî qetilkerdiş, cayo ke ame qetilkerdiş de ame vîrardiş. 

 

Wendekarê unîversîte Kemal Kurkuto pîrozkerdişê Newroza 2017î de Amed de her çend ke zit bî zî nuqtaya dekewtişê raşteyê Newroze de bi îdîayê bombeyo ganî yo, hetê polîsêk ra ame qetilkerdiş û ewro cayo ke ame qetilkerdiş de ame vîrardiş. 

 

Hemserekê Kongreya Komela Demokratîke (KCD) Berdan Ozturk, Hemserekê Pêroyî yê Partîya Têduştîye û Demokrasîyî yê Şaran (DEM Partî) Tuncer Bakirhan, Hemserekê Pêroyî yê Partîya Herêmê Demokratîkî (DBP) Keskîn Bayindir û Çîgdem Kiliçgun Uçare, sîyasetmedara kurd Leyla Zana û Mehmet Ocalan zî tewrê vîrardişî bîyî. 

 

Vîrardişo ke fotografê Kurkutî ameyî berzkerdiş de qerenfîl ronîyayî cayo ke Kurkut ame qetilkerdiş. 

 

Hemserekê Pêroyî yê DEM Partî Tûncer Bakirhan vîrardiş de qisey kerd û wina vat: “Wextê pîrozkerdişê Newroza 2017î de embazê ma Kemal tîya de ame qetilkerdiş. Ma Newroza 2024î de bi heskerdiş û bihurmet ci yad kenê. Ma do Kurkutî vîra nêkerî. Her çend ke kesê ke ci qetil kerdî, sey dewayê bîn nêrî cezakerdiş zî ma do ci vîra nêkerî. Ma do şopdarê nê çîyî bî. Kemal Kurkut bêmerg o. Ma Newroza Kemal Kurkutî pîroz kenê. Bi wesîleya nê vîrardişî ma Newroza şarê xo zî pîroz kenê û dîyar kenê ke ma do bibî şopdarê na dewaye.”