MERKEZÊ XEBERAN - Grevê vêşanîye ke tepişteyî zîndanan de bi waştişê “Abdullah Ocalanî rê azadî û problemê kurdî rê çareserîya sîyasî” dabî destpêkerdiş roja 117ine de dewam keno. 

 

Çalakîya grevê vêşanîye ke semedê azadîya fîzîkî ya Rayberê PKKyî Abdullah Ocalanî ke Zîndanê Îmraliyî de 36 aşmî yo agahî ci ra nîna girewtiş, zîndanan de ameyo destpêkerdiş roja 117ine de dewam kena.

 

Çalakîya greva vêşanîye 27ê Teşrîna Peyêne de çarçewaya kampanyaya “Abdullah Ocalan rê azadî, semedê problemê kurdî çareserîya demokratîke” ame destpêkerdiş. Tepişteyê sîyasî dîyar kerdibî ke eke heta 15ê Sibate tecrîd nêro wedaritiş do çalakîya xo derbazê qonaxêk newe bikerê. Tepişteyê sîyasî bi nameyê Denîz Kaya 12ê sibate de eşkerayîyêke bînî dayî û wina vatî: “Semedê wedaritişê tecrîdê serê Rayberê ma, ma 27ê Teşrîna Peyêne 2023ine de dest bi grevê vêşanîye kerdibî û ma neql kerdibi ke do 15ê Sibate de derbazê qonaxêk bîn bikerê. Labelê semedê tesîrî hamleyê teberî ameyo destpêkerdiş û xebatê weçînayîşî nêkero, ma qerar da ke dimayê weçînayîşî derbazê qonaxêk bînî bikerê. Ma çalakîya xo ya grevê vêşanîye yê dore heta dimayê weçînayîşî derg kenê.”