MERKEZÊ XEBERAN - Kobanê û Helebî de Newroze bi coşêk pîl yena pîrozkerdiş. 

 

Vizêr semedê varayîşê zêde yê varanî, şayîyê Newroze Kobanê û Helebî de amebî taloqkerdiş. Ewro her di cayan de roniştoxî verê xo dayî raşteyê Newroze.

 

Kobanê 

 

Saetê sibayî ra nata pêameyîşê kantonê Firatî yê Herêma Vakur û Rojhelatê Sûrîye dewî, bajarok û qezayê kantonê ver bi raşteyê Newroze yê girê Miştenûrî yê Kobanê ra herikîyayî.

 

Temsîlkarîyê Îdarekarîya Xoserîya Demokratîke ya Herêma Vakur û Rojhelatê Sûrîye, partî û meymanî Minbic û Reqayî ra tewrê şayîye bîyî.

 

Destpêkê şayîye de keyeyê şehîdan adirê Newroze tavistî.

 

Pîrozbayîye de Îdarekarîya Xoserîya Demokratîke ya Kantona Firatî, Kongra Star, Meclisê Girê Spî, Meclisê Keyeyê Şehîdan qiseykerdiş kerd û bernameyê hunerî sey tîyatro, deyîre û govende bêrê pêşkêşkerdiş.

 

Heleb 

 

Roniştoxê taxa Şêxmeqsûd û Eşrefiye yê Helebî yê kurdî bi cil û belgê xo yê kurdî û ereb, suryan û tirkmenî, endam û temsîlkarê partîyan, sazgehê sivîl û meymanî ver bi raşteyê Newroze ra herikîyayî. Sewbîna meymanî teberê her di taxan, şexsê xoser û şaîr Ferhad Merde zî tewrê şayîye bîyî.

 

Dayîkanê şehîdan adirê Newroze fîna ta. Do endamê Meclisê Pêroyî yê Partîya Yewîya Demokratîke (PYD) Mihemed Şêxo, endama îdareyê Nuştoxa Têkiliyan ê Meclisê Sûriya Demokratîke (MSD) Fatme El Hesîno qisey bikero. Sewbîna komê kulturî do berardişê xo pêşkêş bikerê.