XERPÊT - Cinîyê ke xebatê xo yê weçînayîşê Depî dewam kerdî, dîyar kerdî ke înan têkoşînê Gultan Kişanake ra hêz girewtê û tepişteyê ke zîndanan de yê silam şirawitî.

 

Cinîyê ke qezaya DEPî ya Xerpêtî ke qezaya Hemşaredara Bajarê Girdî ya Anqarayî Gultan Kişanaka tepişteye ya, xebatê weçînayîşî organîze kerdî, semedê paştdayîşê Gultan Kişanake eşkerayîye dayî. Hemsereka Pêroyî ya Partîya Têduştîye û Demokrasîyî (DEM Partî) Songul Duzgun eşkerayîye de qisey kerd.

 

'Ma embazanê ci yê Anqarayî rê silam şirawenê'

 

Songule bale ant serê têkoşînê Namzeta Hemşaredarîye ya Bajarê Girdî ya Anqarayî Gultan Kişanake û vat: "Ma Karakoçan de silamê xo embaza Gultan Kişanake ke Anqara de ya şirawena. Şima pêro sey Gultan Kişanake xebatê weçînayîşî kenê. Ber bi ber gêrenê. Karakoçan ra silam pêro cinîyan û heme embazanê ma yê zindanan de, sere de Gultan Kişanake rê, Gultan Kişanake vana, 'ganî şima mi bivînê’.  Eke lazim bikero ma do salonê dadgehe de bê, eke lazim bikero, ma do raşteyê weçînayîşî de bê, eke lazim bikero ma meclîs de yê.' Gultanê bi sloganê 'Jin jiyan azadî' mesaj da ke do têkoşînê xo dewam bikero.”