Rozerîn Gultekîn

 

AMED - Elîf Kardagî ya ke wextê sirgûnî de wesayîtê rîngî de qelibîya bî, pêwa ke milê aye û xeylêk cayê bedenê aye de şikinayîş est bî zî berdîya zîndan.

 

Hêriş û binpaykerdişê heqê tepişteyan dewam keno. Elîf Kardagî ke Zîndanê Cinîyan ê Tîpê Tyê Tarsûsî de bi îdiayê "endamşya rêxistine" esîr yena tepiştiş, 21ê Adare de surgûnê Zîndanê Padeye yê Cinîyan ê Kayserî kerdî. Demê surgûnî de wesayîtê rîngî yê zîndanî seba sebebêk nêdîyar qelibîya. Medyaya terefgirî de ame neqlkerdiş ke tenê 4 personelî birîndar bîyê ke 1 înan ra bi giranî birîndar bîyo. Goreyê agahîyê ke ma keyeyê Elîfe ra girewto, qeza de xebatkarêke zîndanî dinyaya xo bedelnaye û milê aye û cayê cîyayî yê bedenê Elîfe şikîyayo. 

 

Keyeyê aye seba rewşa Elîfe bizano, îdareyê Zîndanê Padeye yê Cinîyan ê Kayserî reyde têkilî da ro û vat: “Zîndan de rewşa aye baş a. Ame dîyarkerdiş wesayîtê ke bîyo sebebê qeza tu eleqeyê ey Elîfe reyde çin o. La Elîfa ke serê sibayî bi telefon keyeyê xo reyde qisey kerd, pare kerd ke aye wesayîtê ke qelibya de bîye û qeza de leşkerêk dinyaya xo bedelnaye. Elîfe dîyar kerd eynî wextî de milê aye û xeylêk cayê bedenî aye şikîyayo û hafizayê xo vînî kerda. La tenê şewêke nêweşxane de menda."

 

Keyeyê aye dîyar kerd ke wazenê Elîfe reyde rî bi rî pêvînayîş bikerê, la îdareyê zîndanî înan ra vato ke ji û eşkenê 12ê Nîsane de pêvînayîş bikerê û wina vatî:  “Ma wazenê bi lezgînî rewşa aye ya weşîye senîn a bimusê. Na rewşêke normal nîya ke tenê rojêke nêweşxane de ameya verdayîş. Xora aye grevê vêşanîye de bî. Ma wazenê ke aye nêweşxane de bêra dermankerdiş.”